ജയ്പൂര്‍: രാജസ്ഥാനില്‍ ഗോമൂത്രം അണുനാശിനിയായി ഉപയോഗിക്കാന്‍ സര്‍ക്കാര്‍ പദ്ധതി. ആശുപത്രികളില്‍ അണുനാശിനിയായി ഇതുപയോഗിക്കാനാണു സര്‍ക്കാരിന്റെ തീരുമാനം. ഇതിനായി ഗോമൂത്രം ശേഖരിക്കല്‍ ആരംഭിച്ചതായും റിപ്പോര്‍ട്ടുകളുണ്ട്.
ജയ്പുരിലെ പ്രധാന ആശുപത്രികളിലൊന്നായ സവായിസിംഗ് ആശുപത്രിയിലാണു ആദ്യഘട്ടമായി പദ്ധതി നടപ്പിലാക്കുന്നത്. ഒരു വാര്‍ഡില്‍ പരീക്ഷണാര്‍ഥം ഗോമൂത്രം അണുനാശിനിയായി ഉപയോഗിക്കും. തുടര്‍ന്ന് ഇത് മറ്റിടങ്ങളിലേയ്ക്കു വ്യാപിപ്പിക്കുകയാണ് ലക്ഷ്യം.ഇതിന്റെ ഫലത്തേക്കുറിച്ചു പഠിക്കാന്‍ ഡോക്ടര്‍മാരുടെ ഒരു സംഘത്തെ നിയോഗിച്ചിട്ടുണ്ടെന്ന് രാജസ്ഥാന്‍ ആരോഗ്യമന്ത്രി രാജേന്ദ്ര റാത്തോര്‍ പറഞ്ഞു.
Discussion about this post