തിരുവനന്തപുരം: ബാര്‍കോഴ വിഷയത്തില്‍ ആരോപണവിധേയരായ ധനമന്ത്രി കെ.എം. മാണിയും എക്‌സൈസ് മന്ത്രി കെ. ബാബുവും രാജിവെക്കണമെന്നാവശ്യപ്പെട്ട് ഇടതുമുന്നണി ജനപ്രതിനിധികള്‍ സെക്രട്ടറിയേറ്റിനു മുമ്പില്‍ സത്യാഗ്രഹസമരം ആരംഭിച്ചു. പ്രതിപക്ഷ നേതാവ് വി.എസ്. അച്യുതാനന്ദന്‍ സമരം ഉദ്ഘാടനം ചെയ്തു. സമരത്തില്‍ യുഡിഎഫ് വിട്ട കേരള കോണ്‍ഗ്രസ്(ബി) ചെയര്‍മാന്‍ ആര്‍. ബാലകൃഷ്ണപിള്ളയും ഗണേഷ് കുമാര്‍ എംഎല്‍എയും പങ്കെടുക്കുന്നുണ്ട്.
ഇടതുനേതാക്കളുടെ ക്ഷണം സ്വീകരിക്കുകയാണെന്നു ബാലകൃഷ്ണപിള്ള വ്യക്തമാക്കിയിരുന്നു. ബാലകൃഷ്ണപിള്ളയുടെ മുന്നണി പ്രവേശനവുമായി ബന്ധപ്പെട്ട് എല്‍ഡിഎഫ് തീരുമാനമെടുത്തിട്ടില്ലെങ്കിലും അഴിമതിക്കെതിരായ സമരത്തില്‍ പങ്കെടുപ്പിക്കാന്‍ എല്‍ഡിഎഫ് യോഗം തീരുമാനിച്ചിരുന്നു.
Discussion about this post