കോഴിക്കോട്: ആശ്രിത നിയമനത്തിനായി മുഖ്യമന്ത്രിയുടെയും, കോടിയേരിയുടേയും പേര് പറഞ്ഞ് ലക്ഷങ്ങള് തട്ടിയ കേസില് സി.പി.എം നേതാവിന്റെ സഹോദരനെ കസ്റ്റഡിയിലെടുത്തു. . കോഴിക്കോട് കസബ പോലീസാണ് ഇയാളെ കസ്റ്റഡിയിലെടുത്തത്. മുന്മുഖ്യമന്ത്രി ഇ.കെ നായനാരുടെ പൊളിറ്റിക്കല് സെക്രട്ടറിയായിരുന്ന പി.ശശിയുടെ സഹോദരനാണ് സതീശന്. സര്ക്കാര് നിയമനങ്ങള്ക്കായും പാര്ട്ടി ഫണ്ടിലേക്കെന്ന് പറഞ്ഞുമായിരുന്നു തട്ടിപ്പ്. ഒരു സ്വകാര്യ ചാനലാണ് തട്ടിപ്പ് വാര്ത്ത പുറത്തുവിട്ടത്.
ആശ്രിത നിയമത്തിന്റെ പേരില് പി.സതീശന് രണ്ടര ലക്ഷം രൂപ തട്ടിയെടുത്തു എന്ന് ആരോപിച്ച് ഒരു യുവതി രംഗത്തെത്തിയതോടെയാണ് തട്ടിപ്പ് പുറത്തായത്.
പഞ്ചായത്ത് വകുപ്പില് ജീവനക്കാരനായിരിക്കേ മരണമടഞ്ഞയാളുടെ ഭാര്യയില് നിന്നാണ് പി.സതീശന് രണ്ടര ലക്ഷം രൂപ കൈപ്പറ്റിയത്. നാല്പതിനായിരം രൂപ ആദ്യം വാങ്ങി. പിന്നീട് പാര്ട്ടി ഫണ്ടിലേക്കാണെന്ന പേരില് രണ്ടു ലക്ഷം രൂപം വാങ്ങി. ഈ തുകയ്ക്ക് ഈടായി ചെക്കും നല്കി. ജോലി ലഭിച്ചില്ലെങ്കില് പണം തിരിച്ചുനല്കാമെന്നായിരുന്നു വാഗ്ദാനം. ജോലി ലഭിക്കാതെ വന്നതോടെ യുവതി പണത്തിനായി സമീപിച്ചുവെങ്കിലും തിരിച്ചുനല്കാന് തയ്യാറായില്ല.
അതേസമയം, പി.സതീശന്റെ തട്ടിപ്പിനെ കുറിച്ച് പാര്ട്ടി നേതൃത്വത്തിന് നേരത്തെ അറിവുണ്ടായിരുന്നുവെന്നും റിപ്പോര്ട്ടുണ്ട്. സഹോദരനുമായി 20 വര്ഷമായി ബന്ധമില്ലെന്നും കേസില് ഇടപെടാനാവില്ലെന്നും പി.ശശി മാധ്യമങ്ങളോട് പ്രതികരിച്ചു.
കണ്ണൂരിലും കോഴിക്കോടും പി.സതീശന് തട്ടിപ്പ് നടത്തിയിട്ടുണ്ട്. കസബ സ്റ്റേഷന് പരിധിയിലാണ് നിലവില് പരാതിയുള്ള തട്ടിപ്പ് നടന്നിരിക്കുന്നത്. എന്നാല് തനിക്കെതിരെ പരാതിയൊന്നും ഇല്ലെന്നും കൂടുതല് പ്രതികരിക്കാനില്ലെന്നും പി.സതീശന് പറഞ്ഞു.
അതേസമയം, പി.സതീശനെതിരെ കൂടുതല് പരാതികള് പുറത്തുവന്നു. സി.സ്റ്റെഡില് സ്ഥിര നിയമനം വാഗ്ദാനം ചെയ്ത് കരാര് ജീവനക്കാരില് നിന്ന് പണം വാങ്ങിയെന്ന് പരാതി. നാല്പതോളം പേരില് നിന്ന് 15,000 രൂപ മുതല് ലക്ഷങ്ങള് വരെ വാങ്ങിയെന്നാണ് പരാതി.
Discussion about this post