ഇന്ത്യന് അധീനതയിലുള്ള കശ്മീര് എന്ന് താമസിക്കുന്ന സ്ഥലത്തിന്റെ വിവരണം കൊടുത്ത ട്വിറ്റര് ഉപഭോക്താവായ വിദ്യാര്ത്ഥിയെ തിരുത്തിയിരിക്കുകയാണ് വിദേശകാര്യ മന്ത്രി സുഷമാ സ്വരാജ്. ഫിലിപ്പീന്സില് മെഡിസിന് പഠിക്കുന്ന വിദ്യാര്ത്ഥിയായ ഷെയ്ക് അതീക് ആണ് തന്റെ ട്വിറ്റര് പ്രൊഫൈലില് താമസിക്കുന്ന സ്ഥലത്തിന്റെ വിവരണം ഇന്ത്യന് അധീനതയിലുള്ള കശ്മീര് എന്ന കൊടുത്തത്.
ഈ വിദ്യാര്ത്ഥിയുടെ പാസ്പോര്ട്ടിന് നാശം സംഭവിച്ചിരുന്നു. വൈദ്യ പരിശോധനയ്ക്കായി ഇന്ത്യയിലേക്ക് വരേണ്ടതിനാല് ട്വിറ്റര് വഴി സുഷമാ സ്വരാജിനോട് ഇദ്ദേഹം സഹായം അഭ്യര്ത്ഥിച്ചു. ജമ്മു-കശ്മീര് സംസ്ഥാനത്ത് നിന്നാണെങ്കില് താന് സഹായിക്കാമെന്നും ഇന്ത്യന് അധീനതയിലുള്ള കശ്മീര് എന്നൊരു സ്ഥലമില്ലായെന്നും സുഷമാ സ്വരാജ് വിദ്യാര്ത്ഥിക്ക് മറുപടി നല്കിയിരുന്നു.
If you are from J&K state, we will definitely help you. But your profile says you are from 'Indian occupied Kashmir'. There is no place like that. @indembmanila https://t.co/Srzo7tfMSx
— Sushma Swaraj (@SushmaSwaraj) May 10, 2018
തുടര്ന്ന് വിദ്യാര്ത്ഥി തന്റെ ട്വിറ്റര് അക്കൗണ്ടില് നിന്നും താമസസ്ഥലത്തിന്റെ വിവരണം ജമ്മു-കശ്മീര്/മാനിലാ എന്നാക്കി മാറ്റുകയായിരുന്നു. ഇതില് താന് സന്തോഷവതിയാണെന്നും മാനിലയിലുള്ള ഇന്ത്യന് എംബസിയോട് വിദ്യാര്ത്ഥിക്ക് വേണ്ട സഹായം നല്കാനും സുഷമാ സ്വരാജ് ട്വീറ്റ് ചെയ്തു.
1. @SAteEQ019 – I am happy you have corrected the profile.
2. Jaideep – He is an Indian national from J&K. Pls help him. @indembmanila https://t.co/rArqxIQoN3
— Sushma Swaraj (@SushmaSwaraj) May 10, 2018
അതേസമയം സംഭവത്തിന് ശേഷം വിദ്യാര്ത്ഥി തന്റെ ട്വിറ്റര് അക്കൗണ്ട് ഡിലീറ്റ് ചെയ്തിട്ടുമുണ്ട്.
Discussion about this post