ഡല്‍ഹി: മുഗല്‍ രാജാവ് അക്ബര്‍ വലിയവനെങ്കില്‍(ഗ്രേറ്റ്) രജപുത്ര രാജാവ് വലിയവരില്‍ വലിയവനെന്ന് ആഭ്യന്തര മന്ത്രി രാജ്‌നാഥ് സിംഗ്. ‘അകബറെ ഗ്രേറ്റ് എന്ന് വിളിക്കുന്നതില്‍ എനിക്ക് എതിര്‍പ്പില്ല. എന്നാല്‍ മഹാറാണ് പ്രതാപിനെ ഗ്രേറ്റ് ഓഫ് ഗ്രേറ്റെസ്റ്റ് ആയി അംഗീകരിക്കണം’-രാജ്‌നാഥ് സിംഗ് പറഞ്ഞു.
മഹാറാണ് പ്രതാപിന്റെ 475 ാം വാര്‍ഷികാഘോഷം പ്രതാപ്ഘട്ടില്‍ ഉദ്ഘാടനം ചെയ്യുകയായിരുന്നു രാജ്‌നാഥ് സിംഗ്.
രാജ്യത്തിന് വേണ്ടി റാണാ പ്രതാപ് കാഴ്ചവച്ച ഭരണനിപുണതയും പോരാട്ടവീര്യവും എന്തിന് കാണാതെ പോകുന്നുവെന്നും ആബ്യന്തര മന്ത്രി ചോദിച്ചു.
ഹല്‍ദിഘട്ടി യുദ്ധത്തില്‍ അക്ബറിനോട് പരാജയപ്പെടുകയായിരുന്നു റാണാ പ്രതാപ്. ചരിത്രത്തില്‍ അക്ബറിനോളം പ്രാധാന്യം ലഭിയ്‌ക്കേണ്ട ആളാണ് റാണാപ്രതാപ്. ചരിത്രം അതിന്റെ യഥാര്‍ത്ഥ അര്‍ത്ഥത്തില്‍ വേണം സൃഷ്ടിക്കേണ്ടത്. റാണാ പ്രതാപ് ആരാണെന്ന് മനസ്സിലാകുന്ന തരത്തില്‍ ചരിത്രത്തെ മാറ്റിയെഴുതുകയാണ് വേണ്ടത.്
മുഗളര്‍ക്കെതിരെ കാഴ്ച വച്ച ഒളിപ്പോരും പോരാട്ടവും വരും തലമുറകള്‍ അറിഞ്ഞിരിക്കേണ്ടതാണ്. ചന്ദ്രശേഖര്‍ ആസാദിനെയും ഭഗത് സിംഗിനെയും പോലുള്ള സ്വാതന്ത്ര്യ സമര സേനാനികളെയും, ശിവജിയെപോലുള്ള പോരാളികളെയും അനുസ്മരിപ്പിക്കുന്നതാണ് റാണാ പ്രതാപിന്റെ ജീവിതം. രാജ്യത്തിന് വേണ്ടി പോരാടിയ ആദ്യകാല ഇന്ത്യന്‍ ഭരണാധികാരികളിലൊരാളായിരുന്നു റാണാപ്രതാപ് എന്നും രാജ്‌നാഥ് സിംഗ് പറഞ്ഞു.
32 ാമത്തെ വയസ്സില്‍ മേവാറിന്റെ ഭരണാധികാരിയായ വ്യക്തിയാണ് റാണാ പ്രതാപ്. 1572 മുതല്‍ 1597 വരെ അദ്ദേഹം മേവാര്‍ ഭരിച്ചു. ഗറില്ല യുദ്ധ മുറകളിലൂടെ മഗള്‍ അധിനിവേശത്തിനെതിരെ അക്ബറോട് പോരാടിയ റാണാപ്രതാപിന്റെ ജീവിതം അവേശോജ്ജ്വലമാണ്.
Discussion about this post