ഡല്ഹി: പാര്ലമെന്ററി ജനാധിപത്യത്തെ സംബന്ധിച്ചിടത്തോളം ഇന്ന് സുപ്രധാന ദിനമാണെന്ന് പ്രധാനമന്ത്രി നരേന്ദ്ര മോദി. നമ്മുടെ പാര്ലമെന്ററി ജനാധിപത്യത്തെ സംബന്ധിച്ചിടത്തോളം ഇന്ന് സുപ്രധാന ദിവസമാണ്. സമഗ്രവും ക്രിയാത്മകവും തടസ്സമില്ലാത്തതുമായ ഒരു ചര്ച്ചയ്ക്ക് എന്റെ സഹപ്രവര്ത്തകര് ഈ അവസരം ഉപയോഗപ്പെടുത്തുമെന്ന് പ്രതീക്ഷിക്കുന്നു. ഇതിന് രാജ്യത്തെ ജനങ്ങളോടും ഭരണഘടനയോടും നാം കടപ്പെട്ടിരിക്കുന്നു. ഇന്നത്തെ ദിവസം ജനങ്ങള് വളരെ ശ്രദ്ധയോടെയാണ് വീക്ഷിക്കുന്നത്- പ്രധാനമന്ത്രി ട്വീറ്റില് പറഞ്ഞു.
Today is an important day in our Parliamentary democracy. I am sure my fellow MP colleagues will rise to the occasion and ensure a constructive, comprehensive & disruption free debate. We owe this to the people & the makers of our Constitution. India will be watching us closely.
— Narendra Modi (@narendramodi) July 20, 2018
ലോക്സഭയില് വെള്ളിയാഴ്ച നടക്കുന്ന അവിശ്വാസ പ്രമേയ ചര്ച്ചയുടെ പശ്ചാത്തലത്തിലാണ് പ്രധാനമന്ത്രിയുടെ ട്വീറ്റ്.
നരേന്ദ്രമോദി സര്ക്കാരിനെതിരേയുള്ള ആദ്യ അവിശ്വാസപ്രമേയമാണ് വെള്ളിയാഴ്ച ലോക്സഭ പരിഗണിക്കുന്നത്. അവിശ്വാസപ്രമേയത്തിലുള്ള ചര്ച്ചയ്ക്കും വോട്ടെടുപ്പിനുമായി വെള്ളിയാഴ്ചത്തെ സമ്മേളനം പൂര്ണമായി നീക്കിവെച്ചിരിക്കുകയാണ്. 534 അംഗ സഭയില് 312 അംഗങ്ങളുടെ പിന്തുണ എന്.ഡി.എ.യ്ക്കുള്ളതിനാല് അവിശ്വാസം പാസാകാനിടയില്ല.
Discussion about this post