പഞ്ചിം: ജവഹര്‍ലാല്‍ നെഹ്റുവിനെ സ്വാര്‍ത്ഥനെന്ന് വിശേഷിപ്പിച്ച് ആത്മീയ നേതാവായ ദലൈലാമ. നെഹ്‌റുവിന് പകരം മുഹമ്മദ് അലി ജിന്നയെ പ്രധാനമന്ത്രിയാക്കിയിരുന്നെങ്കില്‍ ഇന്ത്യാ വിഭജനം നടക്കില്ലായിരുന്നുവെന്നും ദലൈ ലാമ പറഞ്ഞു. ജിന്നയെ പ്രധാനമന്ത്രിയാകാന്‍ അനുവദിച്ചിരുന്നു വെങ്കില്‍ ഇരു രാജ്യങ്ങളും ഇന്നും ഒന്നായിരുന്നേനെ എന്നു ദലൈലാമ പറഞ്ഞു. ഗോവ ഇന്‍സ്റ്റിറ്റ്യൂട്ട് ഓഫ് മാനേജ്മെന്റ് സന്ദര്‍ശിച്ച് വിദ്യാര്‍ത്ഥികളുമായി സംവദിക്കവേയാണ് ലാമ നെഹ്റുവിനെ വിമര്‍ശിച്ചത്.
നെഹ്റുവിന്റെ പ്രധാനമന്ത്രിയാകാനുള്ള പിടിവാശി കാരണമാണ് വിഭജനം നടന്നത്. വളരെയധികം അനുഭവസമ്പത്തുള്ളയാളായിരുന്നിട്ടു കൂടി തെറ്റായ തീരുമാനമാണ് അദ്ദേഹമെടുത്തത്. മഹാത്മാ ഗാന്ധിക്ക് ജിന്നയെ പ്രധാനമന്ത്രിയാക്കാനായിരുന്നു ആഗ്രഹം. എന്നാല്‍, നെഹ്റു അതിനനുവദിച്ചില്ല. വളരെയധികം സ്വാര്‍ത്ഥനായിരുന്നു അദ്ദേഹം. തനിക്ക് പ്രധാനമന്ത്രി പദത്തില്‍ എത്തണമെന്നാണ് അദ്ദേഹം ആവശ്യപ്പെട്ടത്. നെഹ്റു വളരെയധികം അനുഭവജ്ഞാനമുള്ള വ്യക്തിയായിരുന്നു. എന്നിട്ടും അദ്ദേഹത്തിന് തെറ്റു പറ്റിയെന്ന് ലാമ പറഞ്ഞു.ചര്‍ച്ചയ്ക്കിടെ വിദ്യാര്‍ത്ഥികള്‍ ഉന്നയിച്ച ഒരു ചോദ്യത്തിന് ഉത്തരം നല്‍കിക്കൊണ്ട് സംസാരിക്കുമ്പോഴാണ് നെഹ്റുവിനെക്കുറിച്ച് ലാമ പരാമര്‍ശിച്ചത്.
ഒരു വ്യക്തിക്ക് താനെടുക്കുന്ന തീരുമാനങ്ങളില്‍ ഉറപ്പുണ്ടായിരിക്കുക എങ്ങിനെയാണെന്നും തെറ്റുകള്‍ സംഭവിക്കാതെ നോക്കാന്‍ വഴികളുണ്ടോയെന്നുമുള്ള ഒരു വിദ്യാര്‍ത്ഥിയുടെ ചോദ്യത്തിനു മറുപടി നല്‍കുകയായിരുന്നു അദ്ദേഹം. നെഹ്റുവിന്റെ ‘തെറ്റായ തീരുമാനം’ ഉദ്ധരിച്ചു കൊണ്ടായിരുന്നു തെറ്റുകള്‍ എല്ലാവര്‍ക്കും സംഭവിക്കുമെന്ന് ദലൈ ലാമ വിദ്യാര്‍ത്ഥികളെ ഉപദേശിച്ചത്‌
Discussion about this post