മുകേഷിനെതിരെ ലൈംഗികാരോപണങ്ങള് കൂടുതല് ശക്തമായിരിക്കുന്നു. ഒരു ചാനല് പരിപാടിക്കിടെ നടനും സി.പി.എം എം.എല്.എയുമായ മുകേഷ് തന്നോട് അപമര്യാദയായി പെരുമാറിയെന്ന് സിനിമാ അണിയറ പ്രവര്ത്തക ഇതിന് മുമ്പ് ആരോപണം നടത്തിയിരുന്നു. ഇതിന് തൊട്ട് പിന്നാലെയാണ് കൂടുതല് തുറന്നുപറച്ചിലുമായി മാധ്യമ പ്രവര്ത്തക മുന്നോട്ട് വന്നിരിക്കുന്നത്.
മുകേഷിനെതിരെ നടന്നത് ഒറ്റപ്പെട്ട് ആരോപണമല്ലെന്നും മുമ്പ് മുകേഷ് നിരവധി പെണ്കുട്ടികള്ക്ക് നേരെ മോശമായി പെരുമാറിയിട്ടുണ്ടെന്നും മാധ്യമ പ്രവര്ത്തക ഫേസ്ബുക്കില് കുറിച്ചു. മുകേഷിന്റെ അഭിമുഖം തയ്യാറാക്കാന് വന്ന ഒരു മലയാളി മാധ്യമ പ്രവര്ത്തകയോട് മുകേഷ് ലൈംഗികച്ചുവയോടെ സംസാരിക്കുകയും തുടര്ന്ന പെണ്കുട്ടിക്ക് താല്പര്യമില്ലാതിരുന്നിട്ടും താരം അവരുടെ തോളില് കൈയ്യിട്ടുവെന്നും ഫേസ്ബുക്ക് പോസ്റ്റില് പറയുന്നു.
മുംബൈയില് കാസ്റ്റിംഗ് ഡയറക്ടറായ ടെസ് ജോസഫ് തനിക്ക് 19 വര്ഷങ്ങള്ക്ക് മുമ്പ് ചെന്നൈയില്വച്ച് ചാനല് പരിപാടിയുടെ ചിത്രീകരണത്തിനിടെ മോശം പെരുമാറ്റമുണ്ടായെന്ന് ട്വിറ്ററിലൂടെ വെളിപ്പെടുത്തുന്നു. അന്ന് പരിപാടിയുടെ അവതാരകന് മുകേഷായിരുന്നുവെന്നും താരം നിരന്തരം തന്നെ വിളിച്ച് ശല്യപ്പെടുത്തുകയും ചെയ്തെന്ന് ടെസ് പറയുന്നു. ഇത് കൂടാതെ മുകേഷ് താമസിച്ചിരുന്ന ഹോട്ടല് മുറിയുടെ തൊട്ടടുത്ത മുറിയിലേക്ക് താമസം മാറ്റാന് തന്നെ നിര്ബന്ധിപ്പിച്ചുവെന്നും ടെസ് പറയുന്നു. ശല്യം സഹിക്കാനാവതെയായപ്പോള് താന് പരിപാടിയില് നിന്ന് പിന്മാറിയെന്നും ട്വീറ്റ് വ്യക്തമാക്കുന്നു. തുടര്ന്ന് പെണ്കുട്ടി തന്റെ മേധാവിയും ഇപ്പോള് തൃണമൂല് കോണ്ഗ്രസ് എം.പിയുമായ ഡെറിക്ക് ഒബ്രെയിനോട് വിവരം പറഞ്ഞു. അദ്ദേഹം അടുത്ത വിമാനത്തില് കൊല്ക്കത്തയിലേക്ക് മടങ്ങാന് ടിക്കറ്റ് അയച്ചുതന്ന് സഹായിച്ചെന്നും ടെസ് വെളിപ്പെടുത്തി.
അതേസമയം ഇങ്ങനെയൊരു കാര്യത്തെപ്പറ്റി താന് ഓര്ക്കുന്നില്ലെന്നായിരുന്നു താരത്തിന്റെ പ്രതികരണം. മുകേഷിനെതിരെയുള്ള ആരോപണം രാഷ്ട്രീയവല്ക്കരിക്കരുതെന്ന് ടെസ് ജോസഫ് പറഞ്ഞിട്ടുണ്ട്. മുകേഷിന്റെ വീട്ടിലേക്ക് കോണ്ഗ്രസ് പാര്ട്ടി മാര്ച്ച് നടത്താനിരിക്കുന്നുണ്ട്. തന്റെ ജീവിതത്തിലെ പ്രശ്നങ്ങല് രാഷ്ട്രീയമായ താല്പര്യങ്ങള് തീര്ക്കാനുള്ളതല്ലെന്നും ടെസ് പറഞ്ഞു.
Discussion about this post