ലൈംഗിക പീഡന പരാതിയില്‍ സി.പി.എം പാര്‍ട്ടിയുടെ അന്വേഷണം നേരിടുന്ന ഷോര്‍ണൂര്‍ എം.എല്‍.എ പി.കെ.ശശിയും മന്ത്രി എ.കെ.ബാലനും വേദി പങ്കിടുന്നു. എ.കെ.ബാലനും പി.കെ.ശ്രീമതിയും അടങ്ങുന്ന അന്വേഷണ കമ്മീഷനാണ് പി.കെ.ശശിക്കെതിരെയുള്ള പരാതി അന്വേഷിക്കുന്നത്. മണ്ണാര്‍ക്കാട്ട് സി.പി.ഐയില്‍ നിന്നും സി.പി.എമ്മിലേക്ക് വരുന്ന പ്രവര്‍ത്തകരെ സ്വീകരിക്കുന്ന ചടങ്ങിലാണ് ശശിയും ബാലനും വേദി പങ്കിടുന്നത്. തച്ചമ്പാറയിലാണ് സ്വീകരണ ചടങ്ങ് നടക്കുക.
അന്വേഷണം തീരുന്നത് വരെ പി.കെ.ശശിയെ കുറ്റക്കാരനായി കണക്കാക്കില്ലെന്നാണ് പാര്‍ട്ടിയുടെ നിലപാട്. പി.കെ.ശശിക്ക് പരിപാടിയില്‍ പങ്കെടുക്കുന്നതില്‍ നിന്നും വിലക്കില്ലായെന്ന് സി.പി.എം ജില്ലാ സെക്രട്ടറി സി.കെ.രാജേന്ദ്രന്‍ പറഞ്ഞു. വേദി പങ്കിടുന്നതിനോട് സി.പി.എമ്മിലെ ചിലര്‍ക്ക് എതിര്‍പ്പുണ്ട്.
ഡി.വൈ.എഫ്.ഐ വനിതാ നേതാവാണ് പി.കെ.ശശിക്കെതിരെ പരാതി നല്‍കിയത്. ശശിക്കനുകൂലമായ നിലപാടാണ് പാര്‍ട്ടി എടുക്കുന്നത് എന്ന ആരോപണവും ശക്തമാണ്.
Discussion about this post