ശബരിമല യുവതി പ്രവേശന വിഷയത്തില്‍ സംസ്ഥാ സര്‍ക്കാര്‍ വിളിച്ച് കൂട്ടിയിട്ടുള്ള സര്‍വ്വകക്ഷി യോഗത്തില്‍ പങ്കെടുക്കുമെന്ന് പന്തളം രാജകുടുംബവും തന്ത്രി കുടുംബവും വ്യക്തമാക്കി. നാളെയാണ് സര്‍വ്വകക്ഷി യോഗം നടക്കുക.
കണ്ഠരര് രാജീവരര് , മോഹനരര്, മഹേഷ് മോഹനരര് എന്നിവര്‍ പങ്കെടുക്കുമെന്ന് തന്ത്രി കുടുംബാംഗങ്ങള്‍ അറിയിച്ചു. എന്‍എസ്എസിനെ ചര്‍ച്ചക്ക് എത്തിക്കാന്‍ ശ്രമമുണ്ടായിരുന്നെങ്കിലും വിജയിച്ചില്ലെന്നാണ് സൂചന.
അതേസമയം മണ്ഡലമകരവിളക്ക തീര്‍ത്ഥാടന കാലത്തിന് നട തുറക്കുന്നത് നവംബര്‍ 16നാണ്. നിലവിലെ സാഹചര്യത്തില്‍ സന്നിധാനത്ത് സുരക്ഷ വര്‍ധിപ്പിക്കാനാണ് സര്‍ക്കാരിന്റെ നീക്കം. പമ്പയിലും സന്നിധാനത്തും രണ്ട് ഐജിമാര്‍ക്ക് കീഴില്‍ എട്ട് എസ്പിമാരായിരിക്കും പ്രവര്‍ത്തിക്കുക. ആവശ്യമെങ്കില്‍ സന്നിധാനത്തും വനിതാ ബറ്റാലിയനെ നിയോഗിക്കാനും ആലോചനയുണ്ട്. വിശദമായ പോലീസ് വിന്യാസത്തെക്കുറിച്ച് ഇന്ന് തീരുമാനിക്കുന്നതായിരിക്കും.
Discussion about this post