സംസ്ഥാന സ്കൂള്‍ കലോത്സവത്തില്‍ ദീപാ നിശാന്തിനെ വിധികര്‍ത്തവാക്കിയതിനെതിരെ എഴുത്തുകാരന്‍ ടിപി രാജീവന്‍ . ജനത്തോടുള്ള അവഹേളനമെന്നായിരുന്നു ടിപി രാജീവന്റെ പ്രതികരണം . ഇത്തരമൊരു കാര്യം സര്‍ക്കാര്‍ ചെയ്തത് ദീപയെ സംരക്ഷിക്കുകയല്ല മലയാളികളെ അപമാനിക്കുകയാണെന്ന് രാജീവന്‍ പറഞ്ഞു .
മലയാളത്തില്‍ ശരിയായി ഏതെങ്കിലും വാചകം ഇവര്‍ എഴുതിയിടുണ്ടോ ? കേരള വര്‍മ്മ കോളേജില്‍ ഇവര്‍ മാത്രമാണോ മലയാളം അധ്യാപികയായിട്ടുള്ളത് ? ഇത്രയും കാലം മനോഹരമായി നടത്തിവന്നിരുന്ന കലോത്സവത്തില്‍ പങ്കെടുപ്പിച്ച് അതിന്റെ ശോഭക്കെടുത്തിയത് സംഘാടകര്‍ ആണെന്നും രാജീവന്‍ ആരോപിച്ചു .
ഇത്തരമൊരു നടപടിയിലൂടെ പോയാല്‍ വിദ്യാഭ്യാസമന്ത്രിയെ പിണറായി വിജയന്‍ നേഴ്സറിസ്കൂള്‍ മന്ത്രിയാക്കും . എത്രമാത്രം നീചമായ സാംസ്കാരികബോധം നിലനിര്‍ത്തുന്ന ഈ സര്‍ക്കാരിന് എങ്ങനെ നവോത്ഥാനമൂല്യം ഉയര്‍ത്തിപ്പിടിക്കാന്‍ കഴിയും ? അതിവിദൂരമായ ഭവിഷ്യത്താണ് സര്‍ക്കാര്‍ ഉണ്ടാക്കിയത് . അത് കൊണ്ട് മറ്റു ആളുകളെ കൊണ്ട് വിധിനിര്‍ണ്ണയിപ്പിക്കണമെന്നും രാജീവന്‍ പറഞ്ഞു .
ദീപാനിശാന്തിനെതിരെ പ്രമുഖ രാഷ്ട്രീയ നിരീക്ഷകന്‍ അഡ്വക്കേറ്റ് എ ജയശങ്കറും രംഗത്ത് വന്നു .
എടുക്കാച്ചരക്കിനെ എഴുന്നുള്ളിച്ച് സംസ്ഥാന സ്കൂള്‍ കലോത്സവം സര്‍ക്കാര്‍ അലങ്കോലപ്പെടുത്തിയെന്നായിരുന്നു ജയശങ്കറിന്റെ പ്രതികരണം . വിധിനിര്‍ണ്ണയത്തിനെത്തിയ ദീപ എന്തോ വലിയ ധീരകൃത്യം ചെയ്തത് പോലെയാണ് മാദ്ധ്യമങ്ങളോട് സംസാരിക്കുന്നത് .
അവരെ ഇപ്പോഴും ഒരു വിഭാഗം സാംസ്കാരിക നായകന്മാര്‍ സംരക്ഷിക്കുകയാണ് . വകതിരിവ് ഉണ്ടായിരുന്നെങ്കില്‍ അവര്‍ക്ക് വരാതെ ഇരിക്കാമായിരുന്നു . ദീപയെ ശബരിമലയില്‍ ദര്‍ശനത്തിനെത്തിയ അന്‍പതു വയസ്സ് തികയാത്തവരോട് പോലീസ് കാല്പിടിച്ചാണ് നിങ്ങള്‍ അവിടെ കയറിയാല്‍ വലിയ പ്രശ്നങ്ങള്‍ ഉണ്ടാകുമെന്ന് പോലീസ് പറഞ്ഞു മനസിലാക്കിച്ചത് . അത് പോലെ സംഘാടകര്‍ ദീപാ നിശാന്തിനോടും പറയണമായിരുന്നു . തികച്ചും ദൗര്‍ഭാഗ്യകരമായ തീരുമാനമായിരുന്നു ദീപയെ വിധിനിര്‍ണയ സമിതിയില്‍ ഉള്‍പ്പെടുത്തിയത് .
മന്ത്രി ജി സുധാകരന്റെ ഭാര്യ മലയാളം കോളേജ് അധ്യാപികയായിരുന്നു അവരെ ഏല്‍പ്പിക്കാമായിരുന്നു അല്ലെങ്കില്‍ മന്ത്രി ജി സുധാകരനെ തന്നെ ഏല്‍പ്പിച്ചാല്‍ മതിയായിരുന്നു . അവരൊന്നും മോഷണം നടത്തുന്ന ആളുകളല്ല . ഇതില്‍ പ്രതിഷേധിച്ചിട്ട് കാര്യമില്ല സഹതപിക്കാനേ കഴിയൂ . ഇനി നാളെ സരിതനായരെ കേരളത്തിന്റെ സാംസ്കാരിക മന്ത്രിയാക്കിയാലും അത്ഭുതപ്പെടാനില്ലെന്നും ജയശങ്കര്‍ പറഞ്ഞു .
Discussion about this post