ശബരിമലയിലെ ആചാര-അനുഷ്ടാനങ്ങള്‍ സംരക്ഷിക്കണമെന്നാവശ്യവുമായി ശബരിമല കര്‍മ്മസമിതി സംഘടിപ്പിക്കുന്ന അയ്യപ്പ ജ്യോതിയെ എതിര്‍ക്കേണ്ടതില്ലെന്ന് സിപിഐ സംസ്ഥാന സെക്രടറി കാനം രാജേന്ദ്രന്‍ . അയ്യപ്പ ജ്യോതി ജനാധിപത്യപരമായ പ്രതിഷേധമായിരിക്കാം അതിനെ എതിര്‍ക്കേണ്ടതില്ല .
മകരവിളക്ക് കാലത്ത് യുവതികള്‍ ശബരിമലയില്‍ വരരുതെന്ന ദേവസ്വം ബോര്‍ഡ് പ്രസിഡന്റ്‌ എ.പത്മകുമാറിന്റെ പ്രസ്താവനയേയും കാനം പിന്താങ്ങുന്നു . സംഘര്‍ഷസാധ്യത കണക്കിലെടുത്ത് യുവതികള്‍ വരുന്നത് ഒഴിവാക്കണം. ലക്ഷകണക്കിന് ഭക്തര്‍ വരുന്ന സാഹചര്യത്തില്‍ ശബരിമലയില്‍ അപകടസാധ്യതയുണ്ട് എന്നായിരുന്നു പത്മകുമാറിന്റെ അഭ്യര്‍ത്ഥന .
ബോര്‍ഡ് പ്രസിഡന്റ്‌ പറയുന്നതില്‍ തെറ്റില്ലെന്ന് കാനം ചൂണ്ടിക്കാട്ടുന്നു . യുവതി പ്രവേശനവിധി നടപ്പാക്കാന്‍ ഇത് ഉചിതമായ സമയമല്ലെന്ന് ബോര്‍ഡ് കോടതിയെ അറിയിച്ചിട്ടുണ്ടെന്നും അദ്ദേഹം പറഞ്ഞു .
ശബരിമലയിലേക്ക് വരുന്ന യുവതികളുടെ ഭക്തി പരിശോധിക്കാന്‍ മാര്‍ഗങ്ങള്‍ ഇല്ലാത്തതിനാല്‍ അറിയാന്‍ സാധ്യമല്ല. നിലവില്‍ തുടര്‍ച്ചയായി യുവതികള്‍ വരുന്നത് ഗൂഡാലോചനയുടെ ഭാഗമാണോയെന്ന് കരുതേണ്ടിയിരിക്കുന്നു . ഇവര്‍ വരുന്നത് മനപ്പൂര്‍വം പ്രശ്നമുണ്ടാക്കാനാ ണോയെന്നും സംശയമുണ്ടെന്ന് പത്മകുമാര്‍ പറഞ്ഞു .
Discussion about this post