വനിതാ മതിലിനെതിരെ ശിവഗിരി തീര്‍ത്ഥാടക സമ്മേളനത്തിനിടെ ആഞ്ഞടിച്ച് ശിവഗിരി മഠം. ശിവഗിരിയിലേക്ക് തീര്‍ത്ഥാടകര്‍ വരാന്‍ സമ്മതിച്ചില്ലെന്ന് മഠത്തിലെ സ്വാമിമാര്‍ ആരോപിച്ചു. വനിതാ മതില്‍ ജനുവരി ഒന്നിന് സംഘടിപ്പിച്ചത് ഇതിന്റെ ഭാഗമായാണെന്ന് സ്വാമി വിശുദ്ധാനന്ദ ആരോപിച്ചു. ശിവഗിരി സമ്മേളനത്തിനിടെയാണ് സ്വാമിമാരുടെ വിമര്‍ശനം. സദസ്സ് ഇത്ര ശുഷ്‌ക്കമായതില്‍ സങ്കടമുണ്ട്. രാഷ്ട്രീയക്കാര്‍ ഉണ്ടായിരുന്നെങ്കില്‍ ഇവിടെ ആളുകള്‍ ഉണ്ടായേനെ. എന്ത് നവോത്ഥാനമാണ് വനിതാ മതിലൂടെ ഉണ്ടാക്കുന്നത്. മനുഷ്യരെ നന്നാക്കാനല്ല വനിതാ മതിലെന്നും ശിവഗിരി മഠം ആരോപിച്ചു.
. വനിതാ മതില്‍ ചരിത്രപരമായ മണ്ടത്തരമാണെന്ന് സ്വാമി സാന്ദ്രാനാന്ദ ആരോപിച്ചു. ശിവഗിരി തീര്‍ത്ഥാടനത്തിനായി ഗുരുദേവന്‍ തിരഞ്ഞെടുത്ത ദിനമാണ് ഡിസംബര്‍ 30, 31, ജനുവരി 1. ഈ ദിവസം തന്നെ മതിലിനായി തെരഞ്ഞെടുത്തിരിക്കുകയാണ്. ഇവിടെ എത്തണമെന്ന് ഗുരുദേവന്‍ പറഞ്ഞവര്‍ മതിന് കെട്ടാനായി പോയിരിക്കുകയാണ്. രാഷ്ട്രീയം ഉപയോഗിച്ച് അടിച്ചമര്‍ത്തപ്പെട്ട വിഭാഗം ഒരിക്കലും തലപൊക്കരുത് എന്നാണ് ഇവരൊക്കെ കണക്ക് കൂട്ടുന്നത്. പറയുന്ന പേരാകട്ടെ നവോത്ഥാനം എന്നാണ്. ഗുരുവിനോട് നന്ദിയില്ലാതെ വേറെ എവിടെയെങ്കിലും പോയിട്ട് നാം എന്ത് നവോത്ഥാനമാണ് നടത്താന്‍ പോകുന്നത്. അത് ചരിത്രപരമായ മണ്ടത്തരമാണ്. അവര്‍ക്ക് വേണമെങ്കില്‍ നാളത്തെ ദിവസം വെക്കാമായിരുന്നു. ഗുരുവാണ് കേരളത്തെ സൃഷ്ടിച്ചത് എന്നവര്‍ പറയുന്നത് അത്മാര്‍ത്ഥമെങ്കില്‍ ഇങ്ങനെ ഒരു ദിവസം അവര്‍ തെരഞ്ഞെടുക്കില്ലായിരുന്നുവെന്നും ഗുരുഭക്തന്മാര്‍ ഇതിന്റെ കൂടോ പോകില്ലായിരുന്നുവെന്നും സ്വാമി സാന്ദ്രാനന്ദ പറഞ്ഞു.
ജനുവരി ഒന്ന് തന്നെ മതിലിനായി തെരഞ്ഞെടുത്ത് അതു കൊണ്ടാണ്. ഇവരുടെ ചെയ്തികള്‍ക്ക് ഗുരുദേവന്‍ മാപ്പ് നല്‍കട്ടേയെന്നും സ്വാമി വിശുദ്ധാനന്ദ പറഞ്ഞു. ശിവഗിരി തീര്‍ത്ഥാടന ദിവസും വനിതാ മതില്‍ തീര്‍ത്തതിനെതിരെ എസ്എന്‍ഡിപി മൗനം പാലിച്ചത് നേരത്തെ വിമര്‍ശിക്കപ്പെട്ടിരുന്നു
Discussion about this post