ശബരിമലയില്‍ ആചാരലംഘനമുണ്ടായതിനെത്തുടര്‍ന്ന് ജനുവരി മൂന്നിന് ശബരിമല കര്‍മ്മ സമിതി നടത്തിയ ഹര്‍ത്താലില്‍ ബി.ജെ.പിയുടെ നേതൃത്വത്തില്‍ കാസര്‍കോഡ് നഗരത്തില്‍ നടന്ന പ്രകടനത്തിനിടെ മുദ്രാവാക്യം വിളിച്ച പെണ്‍കുട്ടിയെ പോലീസ് അറസ്റ്റ് ചെയ്തു. മുഖ്യമന്ത്രി പിണറായി വിജയനെതിരെയും പോലീസിനെതിരെയും മുദ്രാവാക്യം വിളിച്ചുവെന്ന കുറ്റത്തിനാണ് യുവതിയെ കാസര്‍കോഡ് ടൗണ്‍ പൊലീസ് അറസ്റ്റ് ചെയ്തത്. അണങ്കൂര്‍ ജെ.പി നഗര്‍ കോളനിയിലെ രഘുരാമന്റെ മകള്‍ രാജേശ്വരിയാണ് അറസ്റ്റിലായത്.
ഹര്‍ത്താലില്‍ ബി.ജെ.പി ജില്ലാ പ്രസിഡന്റ് കെ.ശ്രീകാന്തിനൊപ്പം മുന്‍നിരയില്‍നിന്നാണ് രാജേശ്വരി മുദ്രാവാക്യം വിളിച്ചത്. കലാപമുണ്ടാക്കാന്‍ ശ്രമം, മുഖ്യമന്ത്രിയെയും പൊലീസിനെയും അസഭ്യം പറയല്‍, റോഡ് ഉപരോധിക്കല്‍, അനുമതിയില്ലാതെ പ്രകടനം നടത്തല്‍ തുടങ്ങി മൂന്ന് കേസിലാണ് അറസ്റ്റ്. അറസ്റ്റിലായതിന് ശേഷം അമ്മയുടെയും സഹോദരിയുടെയും ആള്‍ജാമ്യത്തില്‍ രാജേശ്വരിയെ വിട്ടയച്ചിട്ടുമുണ്ട്.
Discussion about this post