രാഷ്ട്രീയ കൊലപാതകത്തിനെതിരെ ഹൈക്കോടതി. രാഷ്ട്രീയ എതിരാളികളെ ഉന്മൂലനം ചെയ്യുന്ന സിദ്ധാന്തം തള്ളിക്കളയണം. ഇത്തരം സിദ്ധാന്തങ്ങള്ക്ക് പരിഷ്കൃത സമൂഹത്തില് സ്ഥാനമില്ല. മട്ടന്നൂര് ഷുഹൈബ് വധക്കേസിലാണ് ഹൈക്കോടതിയുടെ പരാമര്ശം.ഹീനമായ രാഷ്ട്രീയ കൊലപാതകത്തിന് കടുത്ത നടപടി വേണമെന്നും ഹൈക്കോടതി നിരീക്ഷിച്ചു.
മട്ടന്നൂര് ഷുഹൈബ് വധക്കേസില് നാല് പ്രതികളുടെ ജാമ്യാപേക്ഷ ഹൈക്കോടതി തള്ളികൊണ്ടായിരുന്നു ഹൈക്കോടതിയുടെ പരാമര്ശങ്ങള്. ആകാശ് തില്ലങ്കേരി, ടി കെ അസ്കര്, കെ അഖില്, സിഎസ് ദീപ് ചന്ദ് എന്നിവരുടെ ജാമ്യാപേക്ഷയാണ് ഹൈക്കോടതി തള്ളിയത്.
2018 ഫെബ്രുവരി പന്ത്രണ്ടാം തീയതി അര്ദ്ധരാത്രി കണ്ണൂര് തെരൂരിലെ തട്ടുകടയില് ഭക്ഷണം കഴിച്ചുകൊണ്ടിരിക്കെയാണ് ഷുഹൈബിനെ അക്രമിസംഘം വെട്ടിക്കൊന്നത്. ബോംബെറിഞ്ഞ് ഭീകരാന്തരീക്ഷം സൃഷ്ടിച്ച ശേഷമായിരുന്നു ആക്രമണം, ഷുഹൈബിനെയും കൂടെയുള്ളവരെയും ആശുപത്രിയിലെത്തിക്കുന്നതും ആക്രമികള് വൈകിച്ചു. കോഴിക്കോട് മെഡിക്കല് കോളേജിലെത്തിക്കുന്നതിന് മുന്പ് രക്തം വാര്ന്നായിരുന്നു ഷുഹൈബിന്റെ മരണം.
കേസില് പ്രതികളായ ആകാശ് തില്ലങ്കേരിയെയും ദീപ് ചന്ദിനെയും സിപിഎം സംരക്ഷിക്കുകയാണെന്ന ആരോപണം ഉയര്ന്നിരുന്നു.
Discussion about this post