ഗുജറാത്തില്‍ കോണ്‍ഗ്രസിന്റെ ഒരു എംഎല്‍എ. കൂടി രാജിവെച്ചു ബിജെപിയില്‍ ചേര്‍ന്നു.ജാംനഗര്‍ റൂറല്‍ എംഎല്‍എ വല്ലഭ് ധാരാവിയയാണ് ഒടുവില്‍ എംഎല്‍എ സ്ഥാനം രാജിവെച്ചത്.ഇതോടെ സംസ്ഥാനത്ത് കോണ്‍ഗ്രസിന്റെ പതനം പൂര്‍ണമായെന്നാണ് വിലയിരുത്തല്‍. അടുത്തയിടെ മൂന്ന് എംഎല്‍എമാരാണ് സംസ്ഥാനത്ത് ബിജെപിയില്‍ ചേര്‍ന്നത്. ജുനഗഢ് ജില്ലയിലെ മാണാവദര്‍ എംഎല്‍എ.യും സംസ്ഥാന കോണ്‍ഗ്രസ് വൈസ് പ്രസിഡന്റുമായ ജവഹര്‍ ചവഡ കഴിഞ്ഞ ദിവസം ബിജെപി.യില്‍ ചേര്‍ന്നു. സുരേന്ദ്രനഗര്‍ ജില്ലയിലെ ധ്രംഗ്ധ്ര എംഎ!ല്‍എ.യായ പര്‍ഷോത്തം സാബരിയയും രാജിവെച്ചു. ബിജെപി.യില്‍ ചേരാന്‍ എതിര്‍പ്പില്ലെന്നു അദ്ദഹവും വ്യക്തമാക്കി.
നിയമസഭ സ്പീക്കര്‍ രാജേന്ദ്ര ത്രിവേദിയെ കണ്ട് രാജിക്കത്ത് കൈമാറി. നാലു ദിവസത്തിനിടെ രാജിവെക്കുന്ന മൂന്നാമത്തെ കോണ്‍ഗ്രസ് എംഎല്‍എയാണ് ധാരാവിയ. രാജിക്കാര്യം സ്പീക്കര്‍ മാധ്യമങ്ങളോട് സ്ഥിരീകരിച്ചു. ധാരാവിയ ലോക്സഭാ തെരഞ്ഞെടുപ്പിന് മുമ്പ് ബിജെപിയില്‍ ചേര്‍ന്നേക്കുമെന്നാണ് റിപ്പോര്‍ട്ട്.
Discussion about this post