നാടു വിട്ട എംപിയില്‍നിന്നു അമേതിയെ രക്ഷിക്കാനുള്ള തെരഞ്ഞെടുപ്പാണ് ഇത്തവണത്തേതെന്ന് സ്മൃതി ഇറാനി പറഞ്ഞു. അമേതിയിലെ എംപിയായ കോണ്‍ഗ്രസ് അധ്യക്ഷന്‍ രാഹുല്‍ ഗാന്ധി രണ്ടാം മണ്ഡലമായി വയനാട്ടില്‍നിന്നു മത്സരിക്കുന്നതിനെ പരാമര്‍ശിച്ചാണ് സ്മൃതിയുടെ കുറ്റപ്പെടുത്തല്‍.
നമ്മുടെ കുട്ടികളുടെ ഭാവി നിര്‍ണയിക്കുന്ന തെരഞ്ഞെടുപ്പാണ് ഇതെന്ന് സ്മൃതി ഇറാനി പറഞ്ഞു. ഇന്ത്യക്കാരെന്ന് അഭിമാനിക്കുന്നവരുടെ വിധിയെഴുത്താണിത്. കാണാതായ എംപിയില്‍നിന്നു നാടിനെ രക്ഷിക്കാന്‍ അമേതിവിധിയെഴുതുമെന്ന് ബിജെപി സ്ഥാനാര്‍ഥി പ്രതീക്ഷ പ്രകടിപ്പിച്ചു
രാഹുല്‍ വയനാട്ടില്‍നിന്നു മത്സരിക്കുന്നതിനെതിരെ നേരത്തെയും സ്മൃതി ഇറാനി രംഗത്തുവന്നിരുന്നു. അമേതിയുടെ കരുണയില്‍ അധികാരം ആസ്വദിച്ച ശേഷം നാടിനെ വഞ്ചിച്ചു രാഹുല്‍ മറ്റൊരിടത്തേക്കു പോവുന്നുവെന്നായിരുന്നു സ്മൃതിയുടെ വിമര്‍ശനം. രാഹുലിന്റെ പ്രകടന മികവ് അറിയാന്‍ വയനാട്ടുകാര്‍ അമേതിയിലേക്കു വന്നാല്‍ മതിയെന്നും ചതിയില്‍ പെടരുതെന്നും സ്മൃതി പറഞ്ഞിരുന്നു.
Discussion about this post