ഇന്ത്യയ്ക്ക് കൈമാറുന്നതിനെതിരായ എതിരെ നല്കിയ ഹര്ജിയാണ് ലണ്ടന് കോടതി തള്ളിയത്.
സാമ്പത്തിക തട്ടിപ്പ് കേസില് വിജയ് മല്യയെ ഇന്ത്യക്ക് കൈമാറാന് ബ്രിട്ടീഷ് കോടതിയുടെ ഉത്തരവുണ്ടായിരുന്നു. വിധിക്കെതിരെ മല്യ മേല്ക്കോടതിയെ സമീപിച്ചിരുന്നു. ലണ്ടനിലെ വെസ്റ്റ്മിന്സ്റ്റര് മജിസ്ട്രേറ്റ് കോടതിയുടേതാണ് ഉത്തരവിട്ടത്.
9000 കോടി രൂപയുടെ വായ്പാ തട്ടിപ്പ് കേസിലാണ് കോടതി ഉത്തരവ്. വിജയ് മല്യ വസ്തുതകള് വളച്ചൊടിച്ചെന്ന് കോടതി വിമര്ശിച്ചു. മല്യക്കെതിരെ ചുമത്തിയ കേസുകളില് കഴമ്പുണ്ടെന്ന് കോടതി പറഞ്ഞു. ബാങ്കുകളെ കബളിപ്പിച്ചാണ് വായ്പ സംഘടിപ്പിച്ചതെന്നും തിരിച്ചടക്കാന് ആത്മാര്ത്ഥമായ ശ്രമം നടത്തിയില്ലെന്നും കോടതി കൂട്ടിച്ചേര്ത്തു.
വിവിധ ബാങ്കുകളുടെ കണ്സോര്ഷ്യം വഴി വായ്പ എടുത്ത ശേഷം തിരിച്ചടയ്ക്കാത്തതിനെ തുടര്ന്നാണ് വിജയ് മല്യയ്ക്കെതിരെ കേസെടുത്തത്. 9000 കോടി രൂപയാണ് പലിശ അടക്കം വിജയ് മല്യ തിരിച്ചടിക്കേണ്ടത്. കേസെടുത്തതിന് പിന്നാലെ 2016 മാര്ച്ചിലാണ് വിജയ് മല്യ ഇംഗ്ലണ്ടിലേക്ക് കടന്നത്. 2017 ഫെബ്രുവരിയിലാണ് അദ്ദേഹത്തെ വിട്ടുകിട്ടണമെന്ന് കേന്ദ്ര സര്ക്കാര് ഔദ്യോഗികമായി അറിയിച്ചത്. തുടര്ന്ന്, കഴിഞ്ഞ ഏപ്രിലിലാണ് മല്യയെ അറസ്റ്റ് ചെയ്തത്. പിന്നീട് ജാമ്യത്തില് വിട്ടയയ്ക്കുകയായിരുന്നു.
.
Discussion about this post