തെരഞ്ഞെടുപ്പ് പ്രചാരണത്തിന് 48 മണിക്കൂര് തനിക്ക് വിലക്കേര്പ്പെടുത്തിയ തെരഞ്ഞെടുപ്പ് കമ്മീഷന് നടപടി വെല്ലുവിളിച്ച് ബിഎസ്പി നേതാവ് മായാവതി. തെരഞ്ഞെടുപ്പ് കമ്മീഷന്റെ തീരുമാനത്തിന് പിന്നിലെ രഹസ്യ അജണ്ട ജനങ്ങള് മനസ്സിലാക്കുമെന്ന് എനിക്കുറുപ്പുണ്ട്.
അവരുടെ ഉത്തരവ് ഭരണഘടനാ വിരുദ്ധവും ജനാധിപത്യ വിരുദ്ധവുമാണ്. ഇതിനെതിരെ ശബ്ദുമുയര്ത്താന് ഞാന് ജനങ്ങളോട് ആവശ്യപ്പെടുന്നുവെന്നും മായാവതി ലഖ്നൗവില് നടത്തിയ വാര്ത്താസമ്മേളനത്തില് പറഞ്ഞു.
തെരഞ്ഞെടുപ്പ് ചട്ടം ലംഘിച്ച് വിവാദ പ്രസംഗങ്ങള് നടത്തിയതിന്റെ പേരില് മായാവതിക്ക് 48 മണിക്കൂര് തെരഞ്ഞെടുപ്പ് കമ്മീഷന് കഴിഞ്ഞ ദിവസം പ്രചാരണ വിലക്കേര്പ്പെടുത്തിയിരുന്നു.
കമ്മീഷന്റെ തീരുമാനം ധൃതിപിടിച്ചതും സ്വാധീനിക്കപ്പെട്ടതുമാണെന്ന് മായാവതി പറഞ്ഞു. ഇതൊരു കരിദിനമായി ആചരിക്കും. തന്റെ പ്രസംഗം ഒരിക്കലും പെരുമാറ്റചട്ടം ലംഘിക്കുന്നതായിരുന്നില്ല. തീരുമാനം പുനഃപരിശോധിക്കാന് ഞാന് തെരഞ്ഞെടുപ്പ് കമ്മീഷനോട് ആവശ്യപ്പെടുന്നു. അല്ലെങ്കില് ജനങ്ങള് നിങ്ങള്ക്കും ബിജെപിക്കും ഇതിന് ശക്തമായ മറുപടി വേണ്ട സമയത്ത് നല്കും. കേന്ദ്രത്തില് ഞങ്ങള്ക്ക് സര്ക്കാര് രൂപീകരിക്കാന് അവസരം കിട്ടിയാല് ഇതിന് പലിശയടക്കം തിരിച്ച് നല്കുമെന്നും അവര് വ്യക്തമാക്കി.
പ്രചാരണത്തില് വിലക്കേര്പ്പെടുത്തിയതിന് തെരഞ്ഞെടുപ്പ് കമ്മീഷനെ വെല്ലുവിളിച്ച് മായാവതി
Discussion about this post