ശ്രീലങ്കയിലെ സ്ഥിതി ഗതികള് നിരീക്ഷിച്ചു വരികയാണെന്ന് വിദേശകാര്യമന്ത്രി സുഷമാ സ്വരാജ്.കൊളംബോയിലെ ഇന്ത്യന് ഹൈക്കമ്മീഷണറുമായി താന് ബന്ധപ്പെട്ടെന്നും സ്ഥിതിഗതികള് നിരീക്ഷിച്ചു വരികയാണെന്നും സുഷമാ സ്വരാജ് ട്വിറ്ററില് അറിയിച്ചു.
കൊളംബോയിലെ മൂന്ന് പള്ളികളിലും മൂന്ന് പഞ്ചനക്ഷത്രഹോട്ടലുകളിലുമാണ് സ്ഫോടനമുണ്ടായത്. സ്ഫോടനത്തില് മരണസംഖ്യ 160 ആയെന്നും പരിക്കേറ്റവരുടെ എണ്ണം നാന്നൂറിലേറെയാണെന്നും പ്രാദേശിക മാധ്യമങ്ങള് റിപ്പോര്ട്ട് ചെയ്യുന്നു.
ഈസ്റ്റര് ദിവസമായതിനാല് ക്രിസ്ത്യന് പള്ളികളില് എല്ലാം വിശ്വാസികളുടെ നല്ല തിരക്കുണ്ടായിരുന്നത് ആള്നാശം വര്ധിപ്പിച്ചു.
വടക്കന് കൊളംബോയിലെ സെന്റ് സെബാസ്റ്റ്യന് ചര്ച്ചിലുണ്ടായ സ്ഫോടനത്തില് അന്പതോളം പേര് മരിച്ചതായി കൊളംബോ പൊലീസിനെ ഉദ്ധരിച്ച് റോയിട്ടേഴ്സ് റിപ്പോര്ട്ട് ചെയ്യുന്നു.
Discussion about this post