വോട്ടെടുപ്പ് പൂര്‍ത്തിയാക്കി വോട്ടിംഗ് യന്ത്രങ്ങളുമായി പുറപ്പെട്ട വാഹനത്തിന് മുന്നില്‍ പരിഹാസരൂപേണ കര്‍പ്പൂരം കത്തിച്ചും, തേങ്ങയുടച്ചും, ശരണം വിളിച്ചും സിപിഎം പ്രവര്‍ത്തകരുടെ അഴിഞ്ഞാട്ടം. പാലക്കാട് പുതുശ്ശേരി പഞ്ചായത്തിലെ കൊങ്ങമ്പാറ എഎല്‍പി സ്‌കൂളിലാണ് സംഭവം. സിപിഎം ബ്രാഞ്ച് സെക്രട്ടറി സ്വാമിനാഥന്‍, വാര്‍ഡ് മെമ്പര്‍ എല്‍ ഗോപാലന്‍, മോഹനന്‍ എന്നിവരുടെ നേതൃത്വത്തിലായിരുന്നു അയ്യപ്പ വിശ്വാസികളെ പരിഹസിച്ചു കൊണ്ടുള്ള അഴിഞ്ഞാട്ടം.
ഇന്നലെ വൈകിട്ട് പുതുശ്ശേരി പഞ്ചായത്തിലെ കൊങ്ങമ്പാറ 160,161,162 ബൂത്തുകളിലെ വോട്ടെടുപ്പ് പൂര്‍ത്തിയാക്കിയതിന് ശേഷം, വോട്ടിംഗ് യന്ത്രങ്ങളുമായി തെരഞ്ഞെടുപ്പ് ഉദ്യോഗസ്ഥര്‍ മടങ്ങാന്‍ തുനിയുമ്പോഴാണ്. വാഹനത്തിന് മുന്നില്‍ കര്‍പ്പൂരം കത്തിച്ചും തേങ്ങയുടച്ചും ശരണം വിളിച്ചും സിപിഎമ്മുകാര്‍ അഴിഞ്ഞാട്ടം നടത്തിയത്
പോലീസുകാരും, തെരഞ്ഞെടുപ്പ് ഉദ്യോഗസ്ഥരും നോക്കി നില്‍ക്കെയാണ് മറ്റ് രാഷ്ട്രീയ പാര്‍ട്ടികളെയും അയ്യപ്പ വിശ്വാസികളെയും പ്രകോപിപ്പിക്കുന്ന രീതിയില്‍ ബോധപൂര്‍വ്വമുള്ള പ്രകടനം സി പി എമ്മുകാര്‍ നടത്തിയത്.
Discussion about this post