ജമ്മു കശ്മീരിന് ഭരണഘടനയില്‍ 370ആം വകുപ്പ് പ്രകാരം നല്‍കി വരുന്ന പ്രത്യേക അധികാരം ബിജെപി വീണ്ടും അധികാരത്തിലെത്തിയാല്‍ നീക്കം ചെയ്യുമെന്ന് ബിജെപി ദേശീയ അദ്ധ്യക്ഷന്‍ അമിത്ഷാ. ജാര്‍ഖണ്ഡിലെ പലമാവു ജില്ലയില്‍ സംഘടിപ്പിച്ച റാലിയെ അഭിസംബോധന ചെയ്ത് സംസാരിക്കുകയായിരുന്നു അദ്ദേഹം.
നരേന്ദ്രമോദിയെ വീണ്ടും അധികാരത്തിലേറ്റിയാല്‍ ഞങ്ങള്‍ 370 എടുത്ത് മാറ്റും. രാജ്യത്തിന്റെ സുരക്ഷവച്ച് നമുക്ക് വിട്ടുവീഴ്ചകള്‍ ചെയ്യാന്‍ സാധിക്കില്ല . കോണ്‍ഗ്രസിന്റെ ഭരണക്കാലത്ത് പാക്കിസ്ഥാനില്‍ നിന്നുമുള്ള തീവ്രവാദ ഗ്രൂപ്പുകള്‍ നിരന്തരം ഇന്ത്യയെ ലക്ഷ്യംവെച്ച് കൊണ്ടിരുന്നു. നമ്മുടെ ജവാന്മാരുടെ തലയറുക്കുകയും ചെയ്തു. കാശ്മീരിനെ ഇന്ത്യയില്‍ നിന്നും വേര്‍പ്പെടുത്തണം എന്നാണു പാക്കിസ്ഥാന്‍ ആഗ്രഹിക്കുന്നത് . എന്നാല്‍ ഞങ്ങള്‍ അത് അനുവദിക്കില്ല . ഒരു ബുള്ളറ്റ് ഇങ്ങോട്ട് വന്നാല്‍ ഇവിടെ നിന്നും ഒരു ഷെല്‍ ആയിരിക്കും അവിടേയ്ക്ക് പതിക്കുക ” അമിത്ഷാ പറഞ്ഞു .
ബലാക്കോട്ടിലെ മിന്നലാക്രമണത്തെ തുടര്‍ന്ന് രാജ്യം മധുരം വിതരണം ചെയ്തപ്പോള്‍ കോണ്‍ഗ്രസിനെയും പാക്കിസ്ഥാനെയും സങ്കടത്താല്‍ മൂടുകയായിരുന്നുവെന്നും അമിത്ഷാ പറഞ്ഞു .
പ്രത്യേക പ്രധാനമന്ത്രി കശ്മീരിന് വേണമെന്ന ഒമര്‍അബ്ദുള്ളയുടെ പ്രസ്താവനയ്ക്ക് കശ്മീര്‍ ഇന്ത്യയുടെ ഒഴിച്ചുക്കൂടാനാവാത്ത ഭാഗമാണ് എന്ന് അമിത്ഷാ മറുപടി നല്‍കി.
Discussion about this post