യുവാവിന് നിപ്പ ബാധയുണ്ടെന്ന് സംശയിക്കുന്നതിനെ തുടര്ന്ന് തൃശൂര് ജില്ലയില് കരുതല് നടപടികള് സ്വീകരിച്ചിട്ടുണ്ടെന്ന് തൃശൂര് ഡിഎംഒ കെ.ജെ റീന. പനി ബാധിച്ചിരിക്കെ യുവാവ് തൃശൂരില് എത്തിയ സാഹചര്യത്തിലാണ് നടപടി. യുവാവ് രണ്ട് ആഴ്ചത്തെ തൊഴിൽ പരിശീലനത്തിനായാണ് തൃശൂരെത്തിയത്. തൃശൂരെത്തുമ്പോൾ പനി ഉണ്ടായിരുന്നു.
തൃശൂരിൽ നിന്ന് നാലാം ദിവസം യുവാവ് മടങ്ങി. യുവാവിന്റെ ഒപ്പമുണ്ടായിരുന്ന 22 വിദ്യാർത്ഥികൾക്കും ഇതുവരെ പനിയുടെ ലക്ഷണമുണ്ടായിട്ടില്ല. പനിയുടെ ഉറവിടം തൃശൂരല്ലെന്നും ഡിഎംഒ വ്യക്തമാക്കി. അടുത്തിടപഴകിയ ആറ് പേർക്കും വൈറസ് ബാധിക്കാൻ സാധ്യതയില്ല. വൈറസ് തലച്ചോറിനെയാണ് ബാധിച്ചിരിക്കുന്നത്.
യുവാവ് താമസിച്ചിരുന്ന പ്രദേശം നിരീക്ഷിച്ചു. ഇതുവരെ ആശങ്കപ്പെടേണ്ട സാഹചര്യമില്ലെന്നും ഡിഎംഒ വ്യക്തമാക്കി. കോഴിക്കോട് നിന്നും നിപ്പ ചികിത്സ നടത്തിയ ഡോക്ടർമാർ ഇന്ന് കൊച്ചിയിലെത്തും. നിപ്പയാണെങ്കിൽ ഓസ്ട്രേലിയയിൽ നിന്നും മരുന്നെത്തിക്കുമെന്നും ആരോഗ്യമന്ത്രി പറഞ്ഞു.
Discussion about this post