സിഒടി നസീര് വധശ്രമക്കേസില് എഎന് ഷംസീര് എംഎല്എയെ ചോദ്യംചെയ്യും. അറസ്റ്റിലായവരുടെ മൊഴി രേഖപ്പെടുത്തലും തെളിവെടുപ്പും പൂര്ത്തിയായതോടെയാണ് എംഎല്എയെ വിളിച്ചുവരുത്താന് അന്വേഷണസംഘം തീരുമാനിച്ചത്. മൂന്നാഴ്ചയ്ക്കുള്ളില് കുറ്റപത്രം സമര്പ്പിക്കാനും സിഐ വിശ്വംഭരന്റെ നേതൃത്വത്തിലുള്ള സംഘം ലക്ഷ്യമിടുന്നുണ്ട്
കേസ് അന്വേഷണം സിപിഎം പുല്യോട് ബ്രാഞ്ച് സെക്രട്ടറി എന്കെ.രാഗേഷില് എത്തി നില്ക്കുകയാണ്. അണികള്ക്ക് വിരോധമുണ്ടായതിനെ തുടര്ന്ന് താനാണ് സിഒടി നസീറിനെ അക്രമിക്കാന് പൊട്ടിയന് സന്തോഷിനെ ചുമതലപ്പെടുത്തിയതെന്ന് രഗേഷ് മൊഴി നല്കിയിട്ടുണ്ട്. അതിനപ്പുറത്തേക്ക് രാഗേഷില് നിന്ന് എന്തെങ്കിലും കിട്ടുമെന്ന പ്രതീക്ഷയുമില്ല അന്വേഷണ സംഘത്തിന്. എഎന് ഷംസീര് എംഎല്എയുമായി രാഗേഷ് ഫോണില് സംസാരിച്ചതിന് തെളിവുണ്ട്.
പൊട്ടിയന് സന്തോഷും രാഗേഷും ഗൂഢാലോചന നടത്തിയ വാഹനത്തെ കുറിച്ചും അന്വേഷണം നടക്കുന്നുണ്ട്എത്താനായില്ല.ജില്ലാ സെഷന്സ് കോടതി മുന്കൂര് ജാമ്യാപേക്ഷ തള്ളിയതിനെ തുടര്ന്ന് ഒളിവില് തുടരുന്ന കാവുംഭാഗം ചെറിയാണ്ടി വീട്ടില് മൊയ്തു എന്ന സി മിഥുന് കൂടി പിടിയിലായാല് അന്വേഷണം അവസാനിക്കാനാണ് ആലോചനയെന്നാണ് അറിയുന്നത്.
മിഥുൻ ചെന്നൈ കോയമ്പത്തൂർ ഹൈവേയിൽ വാഹനം തടഞ്ഞു നിർത്തി പണം അടിച്ച് മാറ്റുന്ന സംഘത്തിൽപ്പെട്ട ആളാണെന്ന വിവരവും ലഭിച്ചിട്ടുണ്ട്.
Discussion about this post