ജമാഅത്ത് ഉദ് ദുവായ്‌ക്കെതിരെ നടപടിയെടുക്കണമെന്ന ഇന്ത്യയുടെ ആവശ്യം പരിഗണിക്കാനാവില്ല എന്ന് പാക്കിസ്ഥാന്‍ വ്യക്തമാക്കി. സംഘടനയ്ക്ക് ലഷ്‌കര്‍-ഇ-തൊയ്ബയുമായി ബന്ധമുണ്ട്് എന്നതിന് നിലവില്‍ യാതൊരു തെളുവുമില്ലെന്നും അതിനാല്‍ നിരോധിക്കാനാവില്ലെന്നുമാണ് പാക് നിലപാട്. വെളളിയാഴ്ച്ച ഷാങ്ഹായി കോപ്പറേഷന്‍ ഉച്ചകോടിയില്‍ വെച്ച് ഇരുരാജ്യങ്ങളുടെയും പ്രധാനമന്ത്രിമാര്‍ തമ്മില്‍ കൂടിക്കാഴ്ച്ച നടത്താനിരിക്കെയാണ് പാക്കിസ്ഥാന്റെ ഈ നിര്‍ണായക നിലപാട്.
മുംബൈ ഭീകരാക്രമണത്തില്‍ ജുദിന് പങ്കുണ്ടെന്നും ലഷ്‌കര്‍ ഇ തൊയ്ബയുമായി ഈ സംഘടനയ്ക്ക് ബന്ധമുണ്ടെന്നും ഇന്ത്യ ആരോപിച്ചിരുന്നു. അതിനാല്‍ ജുദിനെ വിലക്കണമെന്ന് ഇന്ത്യ തുടര്‍ച്ചയായി ആവശ്യം ഉന്നയിക്കുകയും ചെയ്തിരുന്നു.
Discussion about this post