പാഠപുസ്തകം വിതരണം വൈകുന്നതില്‍ പ്രതിഷേധിച്ച് കൊച്ചിയിലും കോഴിക്കോട്ടും യുവമോര്‍ച്ച പ്രവര്‍ത്തകര്‍ മാര്‍ച്ച് നടത്തി. കൊച്ചിയില്‍ കണയന്നൂര്‍ താലൂക്ക് ഓഫീസിലേയ്ക്കും കോഴിക്കോട്ട് ഡിഇഒ ഓഫീസിലേയ്ക്കുമാണ് മാര്‍ച്ച് നടത്തിയത്.
കൊച്ചിയില്‍ പോലീസ് ബാരിക്കേഡ് തള്ളിമാറ്റിയ പ്രവര്‍ത്തകര്‍ക്ക് നേരെ പോലീസ് രണ്ടു തവണ ജലപീരങ്കി പ്രയോഗിച്ചു. കനത്ത പോലീസ് കാവലാണ് മാര്‍ച്ചിന് മുന്നോടിയായി ഏര്‍പ്പെടുത്തിയത്. കോഴിക്കോട്ടെ മാര്‍ച്ച് സമാധാനപരമാണ്. വിദ്യാഭ്യാസമന്ത്രി അബ്ദുറബ് രാജിവയക്കണമെന്നും ഓണപ്പരീക്ഷ മാറ്റിവച്ച നടപടി റദ്ദാക്കണമെന്നുമാണ് യുവമോര്‍ച്ച പ്രവര്‍ത്തകരുടെ ആവശ്യം.
Discussion about this post