എസ്.എഫ്.ഐ നേതാക്കളുള്പ്പെട്ട പി.എസ്.സി പരീക്ഷാ തട്ടിപ്പില് ഉദ്യോഗസ്ഥര്ക്ക് പങ്കുണ്ടോ എന്നും ക്രൈംബ്രാഞ്ച് അന്വേഷിക്കുന്നു. നേരത്തേ ഇന്വിജിലേറ്റര്മാരുടെ മൊഴി എടുത്തിരുന്നു. പി.എസ്.സി യുടെ മറ്റ് റാങ്ക് പട്ടികകളും അന്വേഷണ പരിധിയില് കൊണ്ടുവരാന് അന്വേഷണ സംഘം തീരുമാനിച്ചിട്ടുണ്ട്.
ഉദ്യോഗസ്ഥരുടെ പട്ടിക ക്രൈംബ്രാഞ്ച് ഡിവൈഎസ്പിയുടെ നേതൃത്വത്തിലുള്ള സംഘം ശേഖരിച്ചിട്ടുണ്ട്. വേണമെങ്കില് ഇവരെ ക്രൈംബ്രാഞ്ച് ഓഫീസിലേക്ക് വിളിച്ചു വരുത്തി ചോദ്യം ചെയ്തേക്കും.
2018 ജൂലൈയില് നടന്ന കെ.എ.പി ബെറ്റാലിയന് പോലീസ് കോണ്സ്റ്റബിള് പരീക്ഷയില് തട്ടിപ്പ് നടന്നിട്ടുണ്ടോ എന്നാണ് ക്രൈംബ്രാഞ്ച് അന്വേഷിക്കുന്നത്. യൂണിവേഴ്സിറ്റി കോളേജിലെ എസ്.എഫ്.ഐ നേതാവ് ശിവരഞ്ജിത് ഉള്പ്പെടെയുള്ളവരും തട്ടിപ്പില് പങ്കാളികളായിരുന്നു. ഇവര്ക്ക് പുറത്ത് നിന്ന് സഹായം ലഭിക്കാന് സാധ്യതയുണ്ടോ എന്നാണ് സംഘം പരിശോധിക്കുന്നത്.
Discussion about this post