ഇന്ത്യയിലെ മുൻ പാക്ക് ഹൈക്കമ്മീഷണർ അബ്ദുൾ ബസീത് കശ്മീരി യുവാവാക്കി ചിത്രികരീച്ച അമേരിക്കൻ പോൺ താരം ജോണി സിൻസ് മറുപടിയുമായി രംഗത്ത്. നന്ദി ,പക്ഷെ എന്റെ കാഴ്ച മികച്ചതാണെന്ന് അദ്ദേഹം ട്വിറ്ററിൽ കുറിച്ചു. എല്ലാ പുതിയ ട്വിറ്റർ ഫോളോവേഴ്‌സിനോടും ആഹ്വാനം ഏറ്റെടുക്കാൻ പോൺ താരം ആവശ്യപ്പെട്ടു.
കാശ്മീരി യുവാവിന്റെ കാഴ്ച സൈന്യത്തിന്റെ പെല്ലറ്റ് ആക്രമണത്തിൽ നഷ്ടപ്പെട്ടുവെന്നാണ് അബ്ദുൾ ട്വീറ്റ് ചെയ്തിരിക്കുന്നത്. ഇതിനെതിരെ പ്രതികരിക്കണമെന്നുമാണ് അബ്ദുൾ ബസീത് റിട്വീറ്റ് ചെയ്തത്.എന്നാൽ യഥാർത്ഥത്തിൽ ജോണി സിൻസ് അഭിനയിച്ച പോൺ ചിത്രത്തിലെ ഒരു രംഗമായിരുന്നു അത്. അബദ്ധം പറ്റിയതാണെന്ന് മനസ്സിലായതോടെ അബ്ദുൾ ബസീത് ട്വീറ്റ് പിൻവലിക്കുകയായിരുന്നു.
പാകിസ്ഥാൻ മാധ്യമപ്രവർത്തക നൈല ഇനായത്താണ് പാക് ഹൈക്കമ്മീഷണർക്ക് പിണഞ്ഞ അബദ്ധം ചൂണ്ടിക്കാട്ടി രംഗത്തെത്തിയത്. അബുദുൾ ബസീത് പങ്കുവച്ച ട്വീറ്റിന്റെ സ്‌ക്രീൻ ഷോട്ടും നൈല പങ്കുവച്ചിട്ടുണ്ട്. കാശ്മീരിലെ അനന്ത്‌നാഗിലെ യൂസഫ് എന്ന യുവാവാണിതെന്നും അദ്ദേഹത്തിന്റെ കാഴ്ച സൈന്യത്തിന്റെ പെല്ലാറ്റാക്രമണത്തിൽ നഷ്ടപ്പെട്ടെന്ന ട്വീറ്റാണ് സോഷ്യൽ മീഡിയയിൽ പ്രചരിച്ചത്. ഇത് യഥാർത്ഥത്തിലുള്ളതാണെന്ന് തെറ്റിദ്ധരിച്ചായിരുന്നു അബ്ദുൾ ബസീത് റീട്വീറ്റ് ചെയ്തത്. ഇത് ആദ്യമായല്ല പാകിസ്ഥാനിൽ നിന്നും ഇങ്ങനെയുള്ള അബദ്ധങ്ങൾ സംഭവിക്കുന്നത്.
Discussion about this post