മന്ത്രി കെ.ടി.ജലീലിനെതിരെ വീണ്ടും മാര്ക്ക്ദാന ആരോപണവുമായി പ്രതിപക്ഷനേതാവ് രമേശ് ചെന്നിത്തല. എംജി സര്വകലാശാലയില് ബിടെക്കിന് അഞ്ചുമാര്ക്ക് മോഡറേഷന് നല്കിയ നടപടി വന്ക്രമക്കേടാണെന്ന് ചെന്നിത്തല ആരോപിച്ചു. മന്ത്രി നടത്തിയ അദാലത്തിലാണ് മാര്ക്ക് ദാനം തീരുമാനിച്ചത്.
കോതമംഗലത്തെ ഒരു കോളേജ് വിദ്യാര്ത്ഥിയെ വഴിവിട്ട് സഹായിച്ചു .ഒരുമാര്ക്ക് ചോദിച്ച കുട്ടിക്ക് അഞ്ച് മാര്ക്ക് വരെ നല്കാന് തീരുമാനിച്ചുവെന്നും അദ്ദേഹം പറഞ്ഞു.സിന്ഡിക്കറ്റിനെ ഉപയോഗിച്ച് ഇത് നടപ്പാക്കി.തോറ്റ കുട്ടികളെ ജയിപ്പിക്കാനുള്ള ശ്രമമാണ് നടക്കുന്നത്.
അദാലത്തില് മന്ത്രിയുടെ പ്രൈവറ്റ് സെക്രട്ടറി പങ്കെടുത്തതും ക്രമവിരുദ്ധമാണ്. ഇക്കാര്യങ്ങളില് ജുഡീഷ്യല് അന്വേഷണം വേണമെന്നും ചെന്നിത്തല ആരോപിച്ചു
Discussion about this post