ഡല്ഹി : പാര്ലമെന്റിനുള്ളില് പുകവലിക്കാന് പ്രത്യേക സ്ഥലം വേണമെന്ന ആവശ്യവുമായി ഭരണ-പ്രതിപക്ഷ എംപിമാര് രംഗത്ത്. നേരത്തെ പാര്ലമെന്റില് പുകവലിക്കായി സ്ഥലം നല്കിയിരുന്നു.പാര്ലമെന്റിലെ ഇടനാഴികള് പുകവലി നിരോധിത മേഖലയായി പ്രഖ്യാപിച്ചുകൊണ്ട് 2004ല് സ്പീക്കര് സോമനാഥ് ചാറ്റര്ജിയാണ് പ്രത്യേക മുറി അനുവദിച്ചു നല്കിയത്.
പക്ഷേ, 2003ലെ പുകയില നിരോധന നിയമത്തിന്റെ പരിധിയില്പെടുത്തി ഈ സ്ഥലം അടച്ചു പൂട്ടുകയും ചെയ്തിരുന്നു.എന്നാല് ഈ മുറി വീണ്ടും പുകവലിക്കാര്ക്കായി തുറന്നുകൊടുക്കാന് അനുവദിക്കണമെന്ന് എംപിമാര് ലോക്സഭ സ്പീക്കര് സുമിത്ര മഹാജനോട് ആവശ്യപ്പെട്ടിരിക്കുകയാണ്.
പാര്ലമെന്റിലെ സ്റ്റെനോഗ്രാഫര്മാരാണ് നിലവില് ഈ മുറി ഉപയോഗിക്കുന്നത്. എന്നാല് ചില എംപിമാര് പുകവലിക്കായി ഇപ്പോഴും ഈ മുറിയിലെത്തുന്നുണ്ട്.എംപിമാരുടെ ഈ ആവശ്യത്തെപ്പറ്റി ചോദിച്ചപ്പോള് എല്ലാവരുടെ ആവശ്യങ്ങളും പരിഗണിക്കുമെന്ന് സ്പീക്കര് സുമിത്ര മഹാജന് വ്യക്തമാക്കി.
Discussion about this post