തൃശൂർ കാരമുക്കിൽ നിന്നും വീണ്ടും 14ലക്ഷത്തിന്റെ കള്ളനോട്ട് കൂടി പിടികൂടി.ഇന്നലെ 40 ലക്ഷത്തിന്റെ കള്ളനോട്ടുകൾ പിടികൂടിയിരുന്നു. സംഭവവുമായി ബന്ധപ്പെട്ട് രണ്ടുപേരെ ഇന്നലെ പൊലീസ് അറസ്റ്റ് ചെയ്തിരുന്നു.
എടക്കഴിയൂർ സ്വദേശി ജവാഹ്, നിസാർ എന്നിവരാണ് അറസ്റ്റിലായത്.ഇവരില്‍ നിസാറിന്‍റെ വീട്ടിൽ പൊലീസ് നടത്തിയ റെയ്‍ഡിലാണ് 14 ലക്ഷം രൂപയുടെ കള്ളനോട്ടുകള്‍ കൂടി പിടികൂടിയത്.
സ്കൂട്ടറിൽ കൊണ്ടു പോകുന്നതിനിടെയാണ് 2000 ത്തിന്‍റെ കള്ളനോട്ടുകള്‍ ഇന്നലെ പിടികൂടിയത്.രഹസ്യവിവരം ലഭിച്ചതിന്റെ അടിസ്ഥാനത്തിൽ പൊലീസ് ഇവരെ പിന്തുടർന്ന് പിടിക്കുകയായിരുന്നു.
Discussion about this post