ഇസ്ലാമിക് സ്റ്റേറ്റ് ഭീകര സംഘടനയിൽ അംഗമായ 241 പേർ കീഴടങ്ങി. അഫ്ഗാനിസ്താൻ സർക്കാരിന് മുന്നിലാണ് ഇസ്ലാമിക് സ്റ്റേറ്റ് ഭീകരർ കീഴടങ്ങിയത്. നംഗ്രഹാർ പ്രവിശ്യയിലെ അചിൻ,മൊഹ്മൻ ദാര എന്നീ ജില്ലകളിലായി കഴിഞ്ഞ മൂന്ന് ദിവസങ്ങളിലാണ് ഇവർ കീഴടങ്ങിയതെന്ന് അഫ്ഗാൻ സൈന്യത്തിന്റെ വാർത്താക്കുറിപ്പിൽ പറയുന്നു.
കീഴടങ്ങിയവരിൽ 107 പേർ കുട്ടികളാണ്. 71 പുരുഷന്മാരും 63 സ്ത്രീകളും കീഴടങ്ങിയവരിൽ ഉൾപ്പെടുന്നു. കഴിഞ്ഞ കുറച്ച് വർഷങ്ങൾക്കിടെ സർക്കാരിന് മുന്നിൽ കീഴടങ്ങിയ ഐഎസ് പ്രവർത്തകരുടെ ഏറ്റവും വലിയ സംഖ്യയാണ് ഇത്.
അതേസമയം നംഗ്രഹാർ, കുനാർ, നുറിസ്താൻ എന്നീ പ്രവിശ്യകളിൽ സജീവമായ ഐഎസ് ഭീകരർ ഈ വിഷയത്തിൽ പ്രതികരണം നടത്തിയിട്ടില്ല.
Discussion about this post