പിണറായി സര്ക്കാരിന്റെ നിലപാടിനെ തള്ളി സിപിഎം നേതാവും കായംകുളം എംഎല്എയുമായി യു പ്രതിഭ. നവോത്ഥാനം എന്നാല് സ്ത്രീകളെ ശബരിമല കയറ്റുന്നതല്ലെന്ന് എംഎല്എ പറഞ്ഞു.പുരോഗമന സമൂഹത്തില് സ്ത്രീകള്ക്ക് നേരെ നടന്ന ആക്ഷേപങ്ങളെ ചെറുക്കാന് പഴയ ഇരുണ്ട കാലത്തേക്ക് നടക്കേണ്ടവരല്ല സ്ത്രീകള് എന്ന് പറയാനാണ് വനിതാ മതില് തീര്ത്തത്.
എന്നാല്, എതിര് രാഷ്ട്രീയ പാര്ട്ടിക്കാര് വനിതാ മതിലിനെതിരെ വ്യാപകമായ കള്ളപ്രചരണങ്ങള് അഴിച്ചു വിട്ടെന്നും എംഎല്എ ഫേസ്ബുക്കിലൂടെ വ്യക്തമാക്കുന്നു. ശബരിമലയില് പ്രശ്നങ്ങള് ഉണ്ടാക്കുന്നതില് മുഖ്യപങ്ക് വഹിക്കുന്നത് മാധ്യമങ്ങളാണെന്നും പ്രതിഭ തന്റെ ഫേസ്ബുക്ക് പോസ്റ്റില് പറയുന്നുണ്ട്.
ഫേസ്ബുക്ക് പോസ്റ്റിന്റെ പൂര്ണരൂപം ചുവടെ
കുറച്ച് കൂടെ ക്ഷമിച്ചു കൂടെ മാധ്യമങ്ങളെ .. അന്നും ഇന്നും എന്നും പറയുന്നു നവോത്ഥാനം എന്നാൽ സ്ത്രീകളെ മല കയറ്റുന്നതല്ല.. എന്നാൽ പുരോഗമന സമൂഹത്തിൽ സ്ത്രീകൾക്ക് നേരെ നടന്ന ആക്ഷേപങ്ങളെ ചെറുക്കാൻ പഴയ ഇരുണ്ട കാലത്തേക്ക് നടക്കേണ്ടവരല്ല സ്ത്രീകൾ എന്ന് പറയാൻ ഞങ്ങൾ വനിതാ മതിൽ തീർത്തു. ഈ നാടിനെ വിശ്വാസങ്ങളുടെ തീയിൽ വെന്തു വെണ്ണീറാക്കാൻ ആഗ്രഹിച്ചവർക്ക് എന്റെ പാർട്ടി കൊടുത്ത വ്യക്തമായ മറുപടി ആയിരുന്നു വനിതാ മതിൽ. RSS കാരും പകൽ കോൺഗ്രസും രാത്രി RSS കാരും ആയി കഴിയുന്ന ചിലർ CPIM ന് എതിരെ വനിതാ മതിലിനെതിരെ വ്യാപകമായ കള്ളപ്രചരണങ്ങൾ അഴിച്ചു വിട്ടു. ഒന്നും ഫലം കണ്ടില്ല. ഇപ്പോ സി പി ഐ എം ആണ് സ്റ്റേ വെച്ചത് എന്ന മട്ടിൽ തുടങ്ങി പ്രചരണം..
ഇനി സുപ്രീം കോടതി വിധിയും കൊണ്ട് മല കയറാൻ ആരെങ്കിലും വന്നാൽ നിങ്ങൾ എന്തിനാണ് ക്യാമറയുമായി അവരുടെ പിന്നാലെ പോകുന്നത്. എന്തിനാണ് നമ്മുടെ നാട് കത്തിക്കാൻ കൂട്ട് നിൽക്കുന്നത്. ഭൂപരിഷ്ക്കരണം അട്ടിമറിക്കാൻ കൂട്ടുനിന്നവരൊക്കെ ഇന്ന് ഇന്ത്യയിലെ നമ്പർ 1 ഗവൺമെന്റ് ആയ കേരളത്തിലെ ഇടതുപക്ഷ ജനാധിപത്യ മുന്നണി ഗവൺമെന്റിനെ തകർക്കാൻ അണിയറയിൽ നടത്തുന്ന നീക്കങ്ങൾ തലയിൽ അല്പമെങ്കിലും ആൾ താമസമുള്ളവർക്ക് മനസ്സിലാകും.. ഞങ്ങൾക്കറിയാം വരുന്ന ദിവസങ്ങളിൽ നിങ്ങളൊക്കെ സജീവമാകും. കാരണം വിശ്വാസ സമൂഹമാകുന്ന അട്ടിൻ കുഞ്ഞുങ്ങളുടെ ചോര കുടിയ്ക്കാനായി കഴിഞ്ഞ വർഷം ആട്ടിൻ തോലുമിട്ട് ആട്ടിൻ കുഞ്ഞുങ്ങൾക്കിടയിലേക്ക് വരാൻ ചെന്നായ്ക്കളെ നിങ്ങൾ അഴിച്ചു വെച്ച ആട്ടിൻ തോൽ കുപ്പായം പൊടി തട്ടിയെടുക്കുന്ന ദുർഗന്ധം അത് അറിയാൻ തുടങ്ങിയിട്ടുണ്ട….
ശബരിമല ധർമ്മശാസ്താവേ … 10 വോട്ടിന് വേണ്ടി ഒരു നേരത്തെ വാർത്തക്കുവേണ്ടി ഈ നാട് നശിപ്പിക്കാൻ നോക്കുന്നവരെ അങ്ങ് തന്നെ ഒന്ന് ശ്രദ്ധിച്ചേക്കണേ
https://www.facebook.com/advprathibha/posts/2618614314890113?__xts__%5B0%5D=68.ARCQ7-I4q2pzs2yDs1KJOO-U59W4mCKprSO6tT7pdLd0J-UKMxL-VM1D7xKikVTu3XXoyOrVpdj25qCPhpoEr56L-rpeS5WmZhTGCIfC8zOKWktGWXlI3qO3per-iOxR2CRHtrC-mGOMlSCRYTNoPyn2bIc6MqDa3NZUBGb1suV1iOZ0se_76v1QVe4BRTf-eZtFI7OGxtP7m518hnj3ti-iBO4IYvjUY0A7RMJIlBQJXIP_DUbkI-pA_IEm8kDbNvVTwwaHvzIkq_eCUsZ0W7QwnM20EWDBGA78joWDXaHgC61MciQEJNQXjbW2DoUbDaCrcytqXVoun3iQ1jOynLcF&__tn__=-R
Discussion about this post