ശബരിമലയിലെ യുവതീ പ്രവേശ വിലക്ക് ആചാരമല്ല കീഴ്വഴക്കമാണെന്ന് എസ്എൻഡിപി യോഗം ജനറൽ സെക്രട്ടറി വെള്ളാപ്പള്ളി നടേശൻ. നവോത്ഥാന മൂല്യസംരക്ഷണവും ശബരിമല വിഷയവും രണ്ടാണ്.
ആചാരങ്ങൾ നടക്കണം, എന്നാൽ അനാചാരങ്ങൾ ഉപേക്ഷിക്കണമെന്നും വെള്ളാപ്പള്ളി നടേശൻ കൊച്ചിയിൽ പറഞ്ഞു. നവോത്ഥാന മൂല്യ സംരക്ഷണത്തിന് ഇപ്പോഴും പ്രസക്തിയുണ്ട്. ഒന്നിക്കാവുന്ന ഇടങ്ങളിൽ ഒന്നിക്കാൻ കഴിയുമെന്നും വെള്ളാപ്പള്ളി പറഞ്ഞു.
ശബരിമല വിഷയത്തിൽ അന്തിമ വിധി വരാതെ അഭിപ്രായം പറയുന്നതു ശരിയല്ല. നിയമനിർമാണം സംബന്ധിച്ചു പഠിച്ച ശേഷമേ അഭിപ്രായം പറയാൻ കഴിയുകയുള്ളൂ. എസ്എൻഡിപി എന്നും ഭക്തർക്കൊപ്പമാണെന്നും വെള്ളാപ്പള്ളി പറഞ്ഞു. കൊച്ചിയിൽ മാധ്യമപ്രവർത്തകരോട് സംസാരിക്കുകയായിരുന്നു അദ്ദേഹം.
Discussion about this post