ലഖ്‌നൗ: ഉത്തര്‍ പ്രദേശിലെ രാജ്ഭവന്‍ കെട്ടിടം ഒഴിയണമെന്നാവശ്യപ്പെട്ട് ഗവര്‍ണര്‍ക്ക് കമ്യൂണിസ്റ്റ് ഭീകരരുടെ ഭീഷണിക്കത്ത്. പത്തുദിവസത്തിനകം ഒഴിഞ്ഞു പോയില്ലെങ്കില്‍ കെട്ടിടം പൊട്ടിത്തെറിക്കുമെന്നാണ് കത്തില്‍ ഭീഷണിപ്പെടുത്തിയിരിക്കുന്നത്. ചൊവ്വാഴ്ചയാണ് കത്ത് ലഭിച്ചത്. ജാര്‍ഖണ്ഡിലെ ഒരു മാവോയിസ്റ്റ് ഗ്രൂപ്പായ ടി എസ് പി സി ജാര്‍ഖണ്ഡ് എന്നറിയപ്പെടുന്ന ത്രിത്വ സമ്മേലന്‍ പ്രസ്തുതി സമിതിയാണ് കത്തയച്ചതെന്ന് രാജ്ഭവന്‍ പ്രസ്താവനയില്‍ പറഞ്ഞു.
ജാര്‍ഖണ്ഡിലെ ഒരു മാവോയിസ്റ്റ് ഗ്രൂപ്പായ ടി എസ് പി സി ജാര്‍ഖണ്ഡ് എന്നറിയപ്പെടുന്ന ത്രിത്വ സമ്മേലന്‍ പ്രസ്തുതി സമിതിയാണ് കത്തയച്ചതെന്ന് രാജ്ഭവന്‍ പ്രസ്താവനയില്‍ പറഞ്ഞു.
രാജ്ഭവനെ ഡൈനാമൈറ്റ് ഉപയോഗിച്ച് തകര്‍ക്കുമെന്ന് കത്തില്‍ ഭീഷണിപ്പെടുത്തുന്നു. ഇക്കാര്യം ഗൗരവമായി കാണുന്നുണ്ടെന്നും പ്രസ്താവനയില്‍ പറയുന്നു.
ഗവര്‍ണര്‍ ആനന്ദിബെന്‍ പട്ടേലിന്റെ അഡീഷണല്‍ ചീഫ് സെക്രട്ടറി ഹേമത്ത് റാവു സംസ്ഥാന ആഭ്യന്തര വകുപ്പിന് കത്ത് അയച്ചതായും റിപ്പോര്‍ട്ടില്‍ പറയുന്നു.
ഉത്തര്‍പ്രദേശ് ഗവര്‍ണറായി സത്യപ്രതിജ്ഞ ചെയ്യുന്നതിനുമുമ്പ് പട്ടേല്‍ മധ്യപ്രദേശ് ഗവര്‍ണറായിരുന്നു. മാവോയിസ്റ്റ് ബാധിത അയല്‍സംസ്ഥാനമായ ഛത്തീസ്ഗഡിന്റെ അധിക ചുമതലയും വഹിച്ചിരുന്നു.
ആഭ്യന്തര വകുപ്പ് ഇക്കാര്യം വളരെ ഗൗരവമായി എടുത്തിട്ടുണ്ടെന്ന് ഉത്തര്‍പ്രദേശ് അഡീഷണല്‍ ചീഫ് സെക്രട്ടറി അവാനിഷ് കുമാര്‍ അവസ്തി പറഞ്ഞു.
ആഭ്യന്തര വകുപ്പ് ഇക്കാര്യം വളരെ ഗൗരവമായി എടുക്കുകയും ഡിജിപി, ഡിജി ഇന്റലിജന്‍സ്, എ.ഡി.ജി സെക്യൂരിറ്റി എന്നിവര്‍ക്ക് അടിയന്തിരമായി അന്വേഷണം നടത്തി റിപ്പോര്‍ട്ട് സമര്‍പ്പിക്കാനും ആവശ്യമായ നടപടികള്‍ സ്വീകരിക്കാന്‍ ആവശ്യപ്പെട്ടതായും അദ്ദേഹം വ്യക്തമാക്കി.
Discussion about this post