മഞ്ജു വാരിയറുടെ നല്ലതിനായി ചെയ്ത കാര്യങ്ങളാണ് തനിക്ക് തിരിച്ചടിയായതെന്ന് ഒടിയൻ സംവിധായകൻ വി.എ.ശ്രീകുമാർ. “നന്മയോടെ, കരുതലോടെ ചെയ്ത കാര്യങ്ങൾ സ്വാതന്ത്ര്യത്തിലുള്ള കടന്നുകയറ്റമായി നിർവചിക്കപ്പെട്ടു. പഴയ തലമുറയിലായിരുന്നെങ്കിൽ ഇങ്ങനെയൊരു പ്രശ്നമുണ്ടാകില്ലായിരുന്നു.
ഇപ്പോഴത്തെ തലമുറയിലായതുകൊണ്ടാണ് ഇങ്ങനെയൊരു പ്രശ്നമുണ്ടായതെന്ന് തോന്നുന്നു. മഞ്ജു ഇപ്പോഴും നല്ല സുഹൃത്താണ്. മഞ്ജു വാരിയർ നൽകിയ പരാതിയിലുള്ള ആരോപണങ്ങൾക്ക് മറുപടിയുണ്ട്. എല്ലാ തെളിവുകളും കയ്യിലുണ്ട്. അത് അന്വേഷണ സംഘത്തിന് മുന്നിൽ ഹാജരാക്കുമെന്നും ശ്രീകുമാർ പറഞ്ഞു.
നടി മഞ്ജു വാരിയർ നൽകിയ പരാതിയിൽ കഴിഞ്ഞ ദിവസമാണ് സംവിധായകൻ ശ്രീകുമാറിനെ പൊലീസ് അറസ്റ്റ് ചെയ്തത്. അറസ്റ്റ് രേഖപ്പെടുത്തിയ ശേഷം രണ്ടാൾ ജാമ്യത്തിൽ ശ്രീകുമാറിനെ വിട്ടയക്കുകയായിരുന്നു. നാല് മണിക്കൂര്നീണ്ട ചോദ്യം ചെയ്യലിനു ശേഷമാണ് അറസ്റ്റ് രേഖപ്പെടുത്തിയത്.
Discussion about this post