കൊല്ക്കത്ത: ജനാധിപത്യം ഭീഷണി നേരിടുന്നുവെന്നും ഇതിനെതിരെ യോജിച്ച് പ്രവര്ത്തിക്കേണ്ട സമയമാണിതെന്നും ചൂണ്ടിക്കാട്ടി കേരള മുഖ്യമന്ത്രി പിണറായി വിജയന് ഉള്പ്പടെയുള്ള ബിജെപി ഇതര മുഖ്യമന്ത്രിമാര്ക്ക് കത്തയച്ച് മമത ബാനര്ജി. മുതിര്ന്ന രാഷ്ട്രീയ നേതാക്കള്ക്കും ബംഗാള് മുഖ്യമന്ത്രി ഇക്കാര്യം ചൂണ്ടിക്കാട്ടി കത്ത അയച്ചിട്ടുണ്ട്.
പൗരത്വനിയമഭേദഗതിയും ദേശീയ പൗരത്വ പട്ടികയും നടപ്പിലാക്കാന് കേന്ദ്രസര്ക്കാര് നീക്കം നടത്തുന്ന പശ്ചാത്തലത്തില് രാജ്യത്തെ സ്ത്രീകളും കുട്ടികളും കര്ഷകരും തൊഴിലാളികളും പട്ടികവര്ഗ വിഭാഗക്കാരും മറ്റ് ന്യൂനപക്ഷങ്ങളില്പ്പെട്ടവരും പരിഭ്രാന്തിയിലാണുള്ളത്. ഈ സാഹചര്യം ഏറെ ഗൗരവതരമാണ്. നമ്മള് എന്നത്തേക്കാളും ഒരുമിച്ച് നില്ക്കേണ്ടസമയമാണിത്. ഇന്ത്യന് ജനാധിപത്യത്തിന്റെ ആത്മാവിനെ കാത്തുസൂക്ഷിക്കുന്നതിനായി ഇതിനെതിരെ ഒരുമിച്ച് പോരാടണമെന്ന് പ്രതിപക്ഷത്തെ എല്ലാ മുതിര്ന്ന നേതാക്കളോടും രാഷ്ട്രീയ പാര്ട്ടികളോടും ആത്മാര്ഥമായി ആവശ്യപ്പെടുന്നുവെന്നും മമത കത്തില് ചൂണ്ടിക്കാട്ടുന്നു.
കത്തിന്റെ പകര്പ്പ് സോണിയ ഗാന്ധി, ശരദ് പവാര്, വൈഎസ്ആര് കോണ്ഗ്രസ് നേതാവ് ജഗന് മോഹന് റെഡ്ഡി, തുടങ്ങിയവര്ക്കും കത്തയച്ചിട്ടുണ്ട്.
Discussion about this post