പാക്കിസ്ഥാനിലെ ഗുരുദ്വാരയ്ക്ക് നേരെ മുസ്ലിം ആള്‍ക്കൂട്ടത്തിന്റെ കല്ലേറും ആക്രോശവും: ശക്തമായി അപലപിച്ച് ഇന്ത്യ

പാക്കിസ്ഥാനിലെ നങ്കന സാഹിബ് ഗുരുദ്വാര വളഞ്ഞ ജനക്കൂട്ടം ഗുരുദ്വാരയ്ക്കുനേരെ കല്ലേറ് നടത്തിയ സംഭവത്തെ ഇന്ത്യ ശക്തമായ ഭാഷയില്‍ അപലപിച്ചു. സിഖ് വിഭാഗക്കാരുടെ സുരക്ഷ ഉറപ്പാക്കണമെന്ന് പാക്ക് ഭരണകൂടത്തോട് സര്‍ക്കാര്‍ നിര്‍ദ്ദേശിച്ചു. സിഖ് മത സ്ഥാപകനായ ഗുരു നാനാക്കിന്റെ ജന്മസ്ഥലമാണ് നങ്കന സാഹിബ്.

പാകിസ്ഥാനിലെ പഞ്ചാബ് പ്രവിശ്യയിലെ നങ്കാന സാഹിബിന് പുറത്ത് പ്രകോപിതനായ മുസ്ലീം ജനക്കൂട്ടം സിഖ് വിരുദ്ധ മുദ്രാവാക്യം വിളിക്കുന്ന വീഡിയോ പുറത്ത് വന്നിരുന്നു. പാക്കിസ്ഥാനിലെ ന്യൂനപക്ഷ സമൂഹത്തെ കോപാകുലരായ മുസ്ലിം ജനക്കൂട്ടം ഭീഷണിപ്പെടുത്തുന്ന മുദ്രാവാക്യങ്ങള്‍ മുഴക്കുന്ന വീഡിയൊ അകാലിദള്‍ എംഎല്‍എ മഞ്ജിന്ദര്‍ സിര്‍സയാണ് പുറത്ത് വിട്ടത്.

Ministry of External Affairs: These reprehensible actions followed the forcible abduction and conversion of Jagjit Kaur, the Sikh girl who was kidnapped from her home in the city of Nankana Sahib in August last year. https://t.co/umPpUrncDH

— ANI (@ANI) January 3, 2020

സിഖ് പെണ്‍കുട്ടിയെ തട്ടിക്കൊണ്ടുപോയി പരിവര്‍ത്തനം ചെയ്ത ഒരു മുസ്ലീം ആണ്‍കുട്ടിയുടെ കുടുംബമാണ് പ്രതിഷേധത്തിന് നേതൃത്വം നല്‍കിയതെന്നാണ് റിപ്പോര്‍ട്ടുകള്‍ .

. പാക്കിസ്ഥാനിലെ സിഖുകാരുടെ മനസ്സില്‍ അരക്ഷിതാവസ്ഥ വര്‍ദ്ധിപ്പിക്കുന്ന ഇത്തരം സാമുദായിക സംഭവങ്ങളില്‍ അടിയന്തര നടപടി സ്വീകരിക്കാന്‍ ഞാന്‍ ഇമ്രാന്‍ ഖാന്‍ജിയോട് അഭ്യര്‍ത്ഥിക്കുന്നു . പ്രതിഷേധത്തിന്റെ വീഡിയോ ട്വീറ്റ് ചെയ്ത് സിര്‍സ പറഞ്ഞു.

മുസ്ലീം ജനക്കൂട്ടം ഗുരുദ്വാരയിലേക്ക് കല്ലെറിഞ്ഞതായും സിഖ് സമുദായത്തോട് വീടുകളില്‍ നിന്ന് ഇറങ്ങാന്‍ ആവശ്യപ്പെട്ടതായും സിര്‍സ പറഞ്ഞു. സിര്‍സ പങ്കിട്ട വീഡിയോയുടെ ആധികാരികത സ്ഥിരീകരിക്കാനായില്ല എന്ന കുറിപ്പോടെ ടൈംസ് നൗ വാര്‍ത്ത റിപ്പോര്‍ട്ട് ചെയ്തു.