ഡല്ഹി: രാജ്യത്ത് അശ്ലീല വെബ്സൈറ്റുകള്ക്ക് സര്ക്കാര് വിലക്കേര്പ്പെടുത്തിയെന്ന വാര്ത്ത പരന്നതോടെ സോഷ്യല് മീഡിയയില് വന് പ്രതിഷേധം. പ്രമുഖ ഇന്ര്നെറ്റ് സേവനദാതാക്കള് അശ്ലീലവെബ്സൈറ്റുകള് ശനിയാഴ്ച മുതലാണ് നല്കാതായത്. അശ്ലീല സൈറ്റുകള് കിട്ടാതായതോടെ വന് പ്രതിഷേധമാണ് സോഷ്യല് മീഡിയയില് ഉയരുന്നത്. ട്വിറ്ററിലും ഫെയ്ബുക്കിലും നിരോധനത്തിനെതിരെ പ്രത്യേക ഹാഷ് ടാഗുകള് തന്നെ പ്രത്യക്ഷപ്പെട്ടു. ‘അധികൃതരുടെ നിര്ദ്ദേശമനുസരിച്ച് ഈ സൈറ്റുകള് ഒഴിവാക്കിയിരിക്കുന്നു’ എന്ന അറിയിപ്പാണ് ഇത്തരം സൈറ്റുകളിലേക്ക് വിളിക്കുന്നവര്ക്ക് സേവനദാതാക്കള് നല്കുന്നത്.
എം.ടി.എന്.എല്, ബി.എസ്.എന്.എല്, എ.സി.ടി, വൊഡാഫോണ് എന്നീ ഇന്റര്നെറ്റ് സേവനദാതാക്കളാണ് അശ്ലീല സൈറ്റുകള് നല്കാതായത്. എന്നാല് എയര്ടെല്, ടാറ്റാ ഫോട്ടോണ് തുടങ്ങിയവയില് വിലക്കില്ല. അശ്ലീല സൈറ്റുകള് നിരോധിക്കണമെന്ന ഹര്ജി സുപ്രീംകോടതി പരിഗണിച്ചുകൊണ്ടിരിക്കവെയാണ് ഇത്തരമൊരു നടപടി.
ബി.ജെ.പി ഈ നിക്കത്തെ ശക്തമായി പിന്തുണയ്ക്കുന്നുണ്ട്. ഇന്ത്യയുടെ മഹത്തായ സാംസ്കാരിക പാരമ്പര്യത്തിനെതിരാണ് ഇത്തരം അശ്ലീലസൈറ്റുകളെന്ന് വാര്ത്താവിനിമയ ഐ.ടി. മന്ത്രി രവിശങ്കര് പ്രസാദ് നേരത്തെ വ്യക്തമാക്കിയിരുന്നു. അശ്ലീല വെബ്സൈറ്റുകള് ഇന്ത്യയിലെ ഉപയോക്താക്കള്ക്ക് നല്കരുതെന്ന് ഇന്റര്നെറ്റ് സേവന ദാതാക്കളോട് ആവശ്യപ്പെടുമെന്നുംഅദ്ദേഹം വ്യക്തമാക്കിയിരുന്നു. ഏതാണ്ട് നാല് കോടി അശ്ലീല സൈറ്റുകള് ഇന്ത്യയില് ലഭ്യമാണെന്നാണ് ഇന്ത്യന് കമ്പ്യൂട്ടര് എമര്ജന്സി റെസ്പോണ്സ് ടീമിന്റെ കണക്ക്. ഇവയില് ഭൂരിപക്ഷവും ലോകത്തിന്റെ മറ്റ് ഭാഗങ്ങളില് നിന്ന് പ്രവര്ത്തിക്കുന്നവയാണ്.
Discussion about this post