ഡല്ഹി: ജെഎന്യുവില് കടന്നുകയറി വിദ്യാര്ത്ഥികള്ക്കു നേരെ ആക്രമണം നടത്തിയ സംഭവത്തില് മൂന്നു പേരെ തിരിച്ചറിഞ്ഞതായി ഡല്ഹി പൊലീസ്. ആരെയൊക്കെ ആക്രമിക്കണമെന്ന് കൃത്യമായ ആസൂത്രണത്തോടെയാണ് അക്രമികള് എത്തിയതെന്നും കാമ്പസിനകത്തുനിന്ന് ഇവര്ക്ക് സഹായം ലഭിച്ചിരുന്നതായും പൊലീസ് പറയുന്നു. എന്നാല് ഇവരെ കസ്റ്റഡിയിലെടുക്കുകയോ അറസ്റ്റ് രേഖപ്പെടുത്തുകയോ ചെയ്തതായി വിവരമില്ല.
കാമ്പസിനുള്ളില് അതിക്രമം കാട്ടിയവരുടെ ദൃശ്യങ്ങളിലുള്ള മുഖംമൂടി ധാരികളായ മൂന്നുപേരെക്കുറിച്ച് കൃത്യമായ വിവരം ലഭിച്ചതായാണ് പൊലീസ് അവകാശപ്പെടുന്നത്. വനിത ഉള്പ്പെടെയുള്ളവരെയാണ് തിരിച്ചറിഞ്ഞിട്ടുള്ളതെന്നാണ് പൊലീസ് പറയുന്നത്. എന്നാല് ഇവര് ആരാണെന്നതു സംബന്ധിച്ചോ ഏതു സംഘടനയില്പ്പെട്ടവരാണെന്നോ ഉള്ള വിവരങ്ങള് പൊലീസ് പുറത്തുവിട്ടിട്ടില്ല.
Discussion about this post