മുംബൈ: ഫെബ്രുവരിയിൽ ഓസ്ട്രേലിയയിൽ നടക്കുന്ന വനിത ട്വെന്റി 20 ലോകകപ്പിനുള്ള ഇന്ത്യൻ ടീമിനെ പ്രഖ്യാപിച്ചു. ഹർമൻപ്രീത് കൗറാണ് ടീമിനെ നയിക്കുക. 15 അംഗ ടീമിൽ ബംഗാളിൽ നിന്നുള്ള റിച്ച ഘോഷ് ആണ് ഒരേയൊരു പുതുമുഖം. ഫെബ്രുവരി 21 മുതൽ ഓസ്ട്രേലിയയിലാണ് ലോകകപ്പ് മത്സരങ്ങൾ നടക്കുന്നത്.
ഫെബ്രുവരി 21ന് നടക്കുന്ന ഉദ്ഘാടന മത്സരത്തില് ആതിഥേയരായ ഓസ്ട്രേലിയയാണ് ഇന്ത്യയുടെ ആദ്യ എതിരാളികൾ. ഇന്ത്യയ്ക്കും ഓസ്ട്രേലിയക്കും പുറമെ ബംഗ്ലാദേശ്, ന്യൂസിലാന്റ്, ശ്രീലങ്ക എന്നിവരാണ് ഒരു ഗ്രൂപ്പിലുള്ളത്. രണ്ടു ഗ്രൂപ്പിലേയും ആദ്യ രണ്ട് സ്ഥാനക്കാര് സെമിയിലെത്തുന്ന രീതിയിലാണ് മത്സരങ്ങൾ ക്രമീകരിച്ചിരിക്കുന്നത്.
15കാരിയായ ഹരിയാന സ്കൂൾ വിദ്യാർത്ഥിനി ഷെഫാലി വർമയാണ് ഇന്ത്യൻ ടീമിലെ പ്രായം കുറഞ്ഞ താരം. ആഭ്യന്തര-അന്താരാഷ്ട്ര മത്സരങ്ങളിൽ മികവ് തെളിയിച്ച ഷെഫാലിയുടെ ആദ്യ പ്രമുഖ ടൂർണമെന്റാണ് ട്വെന്റി 20 ലോകകപ്പ്.
ലോകകപ്പിന് മുന്നോടിയായി ആസ്ട്രേലിയയുമായി ഇന്ത്യക്ക് പരമ്പരയുണ്ട്. ജനുവരി 31നാണ് പരമ്പര ആരംഭിക്കുന്നത്.
ടീം: ഹര്മന് പ്രീത് കൗര്, സ്മൃതി മന്ഥാന, ഷെഫാലി വെര്മ, ജെമീമ റോഡ്രിഗസ്, ഹര്ലീന് ഡിയോള്, ദീപ്തി ശര്മ, വേദ കൃഷ്ണമൂര്ത്തി, റിച്ചാ ഘോഷ്, പൂനം യാദവ്, രാധാ യാദവ്,രാജേശ്വരി ഗെയ്ക്ക്വാദ്, ശിഖാ പാണ്ഡേ, പൂജാ വസ്ത്രാകാര്, അരുന്ധതി റെഡ്ഡി, നുസ്ഹത് പര്വീണ്
Discussion about this post