ഹൈ ഫ്ലാഷ് ഹൈ സ്പീഡ് ഡീസല് (HFHSD – IN 512), രാജ്യത്തെ ഏറ്റവും വലിയ കോര്പ്പറേറ്റായ ഇന്ത്യന് ഓയില് കോര്പ്പറേഷനിലെ ഗവേഷകള് ഇന്ത്യന് നാവികസേനയ്ക്ക് മാത്രമായി വികസിപ്പിച്ചെടുത്ത ഇന്ധനമാണിത്. ഈ അത്യന്താധുനിക ഇന്ധനം തിങ്കളാഴ്ച മുതല് നാവികസേനയ്ക്ക് ലഭിച്ചു തുടങ്ങി. സകല അന്താരാഷ്ട്രമാനദണ്ഡങ്ങളേക്കാളും കൂടിയ സവിശേഷതകളുള്ളതാണ് ഹൈ ഫ്ലാ!ഷ് ഹൈ സ്പീഡ് ഡീസല് .
സീറ്റേന് നമ്പര്, ഫ്ലാ!ഷ് പോയിന്റ്, സള്ഫറിന്റെ അളവ്, അവസാദത്തിന്റെ അളവ് (sediment content), ഓക്സീകരണ സ്ഥിരത എന്നീ എല്ലാ പരീക്ഷണങ്ങളിലും അന്താരാഷ്ട്രനിലവാരത്തേക്കാള് മികച്ച ഫലമാണ് നാറ്റോ നിശ്ചയിച്ചിട്ടുള്ളതിനേക്കാള് നിലവാരം പുലര്ത്തുന്ന ഈ ഇന്ധനം തരുന്നത്. ഇതോടെ സംയുക്ത സൈനികാഭ്യാസങ്ങളില് പങ്കെടുക്കാനെത്തുന്ന നാറ്റോ രാജ്യങ്ങള് ഉള്പ്പെടെയുള്ള നാവികസേനകള്ക്കും ഇന്ത്യന് ഓയില് കോര്പ്പറേഷന്റെ ഈ ഇന്ധനമുപയോഗിക്കാനാവും.
1962ലെ ഇന്ത്യ ചൈന യുദ്ധത്തില് അന്താരാഷ്ട്ര എണ്ണക്കമ്പനികള് പാലം വലിച്ചപ്പോഴാണ് ഗവേഷണം നടത്താനും മികച്ച ഇന്ധനങ്ങളും പെട്രോളിയം ഉല്പ്പന്നങ്ങളും സ്വന്തമായി ഉണ്ടാക്കാനുമായി ഇന്ത്യന് ഓയില് കോര്പ്പറേഷന് പഠന ഗവേഷണ വിഭാഗം തുടങ്ങിയത്. ‘ഇന്ത്യന് ആദ്യം, ഓയില് രണ്ടാമത്’ എന്ന മുദ്രാവാക്യവുമായി അന്ന് സേനകള്ക്കെല്ലാം വേണ്ട ഇന്ധനമെത്തിയ്ക്കാന് കോര്പ്പറേഷനു കഴിഞ്ഞിരുന്നു. ഇന്നും ഇന്ത്യന് ഓയിലിന്റെ പ്രമാണവാക്യം അതാണ്.
വരും വര്ഷങ്ങളില് നാവികസേനയ്ക്കൊപ്പം ഇന്ത്യന് കോസ്റ്റ് ഗാര്ഡിനും മര്ച്ചന്റ് നേവിയ്ക്കും ഹൈ ഫ്ലാഷ് ഹൈ സ്പീഡ് ഡീസല് ലഭ്യമായിത്തുടങ്ങുമെന്ന് ഇന്ത്യന് ഓയില് കോര്പ്പറേഷന് അറിയിച്ചു.
Discussion about this post