പൗരത്വ ഭേദഗതി നിയമം തികച്ചും നിയമപരമാണെന്നും ,നടപ്പിലാക്കുന്നത് ഭരണഘടന അനുശാസിക്കുന്ന മാനദണ്ഡങ്ങൾ പൂർണ്ണമായി പാലിച്ചാണെന്നും ബിജെപി ദേശീയ ജനറൽ സെക്രട്ടറി രാം മാധവ് .
ഈ നിയമം കൊണ്ട് മുസ്ലിം രാഷ്ട്രങ്ങളിൽ പീഡിപ്പിക്കപ്പെടുന്ന ന്യൂനപക്ഷ മതങ്ങളിലെ അഭയാർഥികൾക്ക് അഭയം നൽകാനാണ് കേന്ദ്രം ഉദ്ദേശിക്കുന്നതെന്നും അദ്ദേഹം പറഞ്ഞു.”പ്രതിപക്ഷം അക്രമത്തിൽ ഏർപ്പെടുന്നു,ഞങ്ങൾ ജനങ്ങളോട് സത്യം പറയും” മാധവ് കൂട്ടിച്ചേർത്തു.പൗരത്വ നിയമം മതേതരത്വത്തിന് എതിരാണെന്ന് പറഞ്ഞ് കേരള സർക്കാർ സുപ്രീംകോടതിയെ സമീപിച്ചതിന് ശേഷമാണ് അദ്ദേഹത്തിന്റെ പരാമർശം.
ഒറീസയിലെ ഭുവനേശ്വറിൽ ചൊവ്വാഴ്ച നടന്ന പത്രസമ്മേളനത്തിൽ,സുരക്ഷാ സേനയുടെ സമഗ്രതയെക്കുറിച്ച് സംശയം ഉന്നയിച്ച് പുൽവാമ ഭീകരാക്രമണത്തിൽ പാകിസ്ഥാന് ക്ലീൻ ചിറ്റ് നൽകാൻ കോൺഗ്രസ് ശ്രമിച്ചത്തിനെതിരെ രാം മാധവ് ആഞ്ഞടിച്ചിരുന്നു.”നിരവധി സുരക്ഷാ ഉദ്യോഗസ്ഥർ കൊല്ലപ്പെട്ട പുൽവാമ ആക്രമണം പാകിസ്ഥാൻ സ്പോൺസർ ചെയ്ത തീവ്രവാദികളാണ് നടത്തിയത്. പക്ഷേ,കോൺഗ്രസ് നേതാക്കളുടെ അന്നത്തെ ട്വീറ്റുകളിൽ നിന്ന് പാകിസ്ഥാനെ പ്രതിരോധിക്കാൻ പ്രതിപക്ഷ നേതാക്കൾ ശ്രമിക്കുന്നതായി കാണുന്നു” എന്ന വെളിപ്പെടുത്തലോടെ റാം മാധവ് കോൺഗ്രസിനെ കടന്നാക്രമിച്ചു.
പൗരത്വ നിയമം സംബന്ധിച്ച ഹർജികളിൽ ജനുവരി ഇരുപത്തിരണ്ടിനു വാദം കേൾക്കുമെന്നാണ് സുപ്രീം കോടതി പ്രസ്താവിച്ചിരിക്കുന്നത്.
Discussion about this post