തിരുവനന്തപുരം:പൗരത്വ ഭേദഗതി നിയമത്തില് സര്ക്കാര് സുപ്രീം കോടതിയെ സമീപിച്ച നടപടി അറിയിക്കാത്തതില് ഗവര്ണര് ആരിഫ് മുഹമ്മദ് ഖാന് വിശദീകരണം നല്കി സര്ക്കാര്. ചീഫ് സെക്രട്ടറി ടോം ജോസ് ആണ് ഇക്കാര്യത്തില് വിശദീകരണം നല്കിയത്.സുപ്രിം കോടതിയില് കേസ് നല്കിയത് അറിയിക്കാത്തതില് വീഴ്ച പറ്റിയെന്ന് സമ്മതിക്കുന്നതാണ് ചീഫ് സെക്രട്ടറിയുടെ വിശദീകരണം. ഗവര്ണറെ മനഃപൂര്വ്വം അവഗണിച്ചതല്ലെന്നു വിശദീകരണത്തില് പറയുന്നു.
അതേസമം രാജ്ഭവനുമായി ഏറ്റുമുട്ടാനില്ലെന്നും സര്ക്കാര് ഗവര്ണറെ അറിയിച്ചുിട്ടുണ്ട്. അതേസമയം സര്ക്കാര് വിശദീകരണം ചീഫ് സെക്രട്ടറി വാക്കാലാണ് ഗവര്ണറെ അറിയിച്ചത്.പൗരത്വ ഭേദഗതി നിയമത്തില് സര്ക്കാര് സുപ്രീം കോടതിയെ സമീപിച്ച നടപടിയില് ഗവര്ണര് ചീഫ് സെക്രട്ടറിയോട് വിശദീകരണം തേടിയിരുന്നു. ഈ പശ്ചാത്തലത്തിലാണ് ചീഫ് സെക്രട്ടറി രാജ്ഭവനിലെത്തിയത്.
പൗരത്വ ഭേദഗതി നിയമവുമായി ബന്ധപ്പെട്ട് ജനങ്ങളുടെ ആശങ്ക പരിഗണിച്ചാണ് കോടതിയില് പോയതെന്നും ചീഫ് സെക്രട്ടറി ഗവര്ണറെ അറിയിച്ചു.മുമ്പും കേന്ദ്ര നയങ്ങളെ സംസ്ഥാന സര്ക്കാരുകള് കോടതിയില് ചോദ്യം ചെയ്തിട്ടുണ്ട്. അതില് ഗവര്ണറുടെ അനുമതി തേടിയിരുന്നില്ല. ഗവര്ണറോട് ആലോചിക്കാതെയാണ് കേന്ദ്രസര്ക്കാര് പാസ്സാക്കിയ ഒരു ബില്ലിനെതിരെ സര്ക്കാര് സുപ്രീം കോടതിയെ സമീപിച്ചതെന്നും ഇത് ചട്ടങ്ങള്ക്ക് വിരുദ്ധമാണെന്നുമാണ് ഗവര്ണര് വിമര്ശനമുന്നയിച്ചിരുന്നു.
ഉദ്യോഗസ്ഥര്ക്കല്ല മുഖ്യമന്ത്രിക്കാണ് വീഴ്ച പറ്റിയതെന്നും ഗവര്ണര് ആരോപിച്ചിരുന്നു. ഇത്തരത്തില് സംസ്ഥാന സര്ക്കാര് സുപ്രിം കോടതിയെ സമീപിക്കുന്നുവെങ്കില് സംസ്ഥാന ഭരണത്തലവനായ ഗവര്ണറെ വിവരം അറിയിക്കണമെന്നാണ് ബിസിനസ് ഓഫ് റൂള്സില് പറയുന്നത്. ഈ ചട്ടം പാലിച്ചില്ലെന്ന് വ്യക്തമായതിനെ തുടര്ന്നാണ് ഇത് മനപൂര്വ്വമല്ല എന്ന വിശദീകരണം ചീഫ് സെക്രട്ടറി നല്കിയത്.
Discussion about this post