ശ്രീനഗർ: ജമ്മു കശ്മീരിൽ നടന്ന ഏറ്റുമുട്ടലിൽ ജെയ്ഷെ മുഹമ്മദ് കമാൻഡർ ഖാരി യാസിം ഉൾപ്പെടെ മൂന്ന് ഭീകരരെ സുരക്ഷാ സേന വധിച്ചു. കശ്മീരിലെ അവന്തിപൊരയിലായിരുന്നു ഏറ്റുമുട്ടൽ.
ത്രാലിലെ ഹരിപാരി മേഖലയിൽ ഭീകരർ ഒളിച്ചിരിക്കുന്നതായി വിവരം ലഭിച്ചതിനെ തുടർന്ന് പ്രദേശത്ത് സൈന്യം തിരച്ചിൽ ശക്തമാക്കിയിരുന്നു. ഇതിനിടെ ഭീകരർ സൈനികർക്ക് നേരെ നിറയൊഴിക്കുകയായിരുന്നു. തുടർന്ന് സൈന്യം ശക്തമായ പ്രത്യാക്രമണം നടത്തി. ഇതിനിടെ ഖാരി യാസിമും കൂട്ടാളികളും ഒരു കെട്ടിടത്തിനകത്ത് അകപ്പെട്ടു. കെട്ടിടം വളഞ്ഞ സൈന്യം ഇവരെ വധിക്കുകയായിരുന്നെന്ന് ജമ്മു കശ്മീർ പൊലീസ് അറിയിച്ചു.
Discussion about this post