ന്യൂസിലന്റിനെതിരായ നാലാം ട്വന്റി-20 യിലും സൂപ്പര്‍ ഓവറിന്റെ ആവേശം. ആദ്യം ബാറ്റ് ചെയ്ത ഇന്ത്യ നിശ്ചിത ഓവറില്‍ എട്ട് വിക്കറ്റ് നഷ്ടത്തില്‍ 165 റണ്‍സെടുത്തു മറുപടി ബാറ്റിംഗിനിറങ്ങിയ കീവിസിന് 7 വിക്കറ്റ് നഷ്ടത്തില്‍ 165 റണ്‍സെടുക്കാനെ കഴിഞ്ഞുള്ളു. സ്‌കോര്‍ തുല്യമായതോടെ മത്സരം സൂപ്പര്‍ ഓവറിലേക്ക് നീങ്ങി. തുടര്‍ന്ന് സൂപ്പര്‍ ഓവറില്‍ ആദ്യം ബാറ്റ് ചെയ്ത ന്യൂസിലന്റ് ഒരു വിക്കറ്റ് നഷ്ടത്തില്‍
13 റണ്‍സ് എടുത്തു.മറുപടി ബാറ്റിംഗിനിറങ്ങിയ ഇന്ത്യ ഒരു പന്ത് ബാക്കി നില്‍ക്കെ ലക്ഷ്യം കണ്ടു
ഇന്ത്യയ്ക്ക് വേണ്ടി സൂപ്പര്‍ ഓവറില്‍ വിരാട് കൊഹ്ലി, കെ.എല്‍ രാഹുല്‍ എന്നിവരാണ് ഓപ്പണറായി ഇറങ്ങിയത്. ആദ്യ പന്ത് തന്നെ സിക്‌സര്‍ അടിച്ച് രാഹുല്‍ തകര്‍പ്പന്‍ തുടക്കം നല്‍കി. രണ്ടാമത്തെ പന്ത് ഫോറിലേക്ക് നീങ്ങിയതോടെ ഇന്ത്യ വിജയം ഉറപ്പിച്ചു. മൂന്നാമത്തെ പന്ത് ബൗണ്ടറിലേക്ക് ഉയര്‍ത്താനുള്ള ശ്രമത്തിനിടെ ബൗണ്ടറി ലെയിന് സമീപം വച്ച് ക്യാച്ചെടുത്ത് രാഹുല്‍( 10) പുറത്തായി. പിന്നീടെത്തിയ സഞ്ജു സാംസണ്‍ നേരിട്ട ആദ്യപന്തില്‍ രണ്ട് റണ്‍സെടുത്തു.ഇതോടെ രണ്ട് പന്തില്‍ നിന്ന് രണ്ട് റണ്‍സ് ആയി വിജയലക്ഷ്യം.അടുത്ത പന്ത് ബൗണ്ടറിയിലേക്ക് പായിച്ച് സഞ്ജു ഇന്ത്യന്‍ വിജയം ഉറപ്പാക്കി.പരമ്പരയിലെ നാല് മത്സരവും ഇതോടെ ഇന്ത്യ തൂത്തുവാരി. മൂന്നാമത്തെ മത്സരവും സൂപ്പര്‍ ഓവറിലാണ് ഇന്ത്യ ജയിച്ചത്.
പരമ്പര നേട്ടത്തിന്റെ പശ്ചാത്തലത്തില്‍ ബാറ്റിംഗ് ഓഡറിലും മറ്റും പരീക്ഷണങ്ങളുമായി കളത്തിലിറങ്ങിയ ഇന്ത്യ ന്യൂസിലന്റിനെതിരെ മുന്നോട്ട് വച്ചത് 166 റണ്‍സിന്റെ വിജയലക്ഷ്യം ആയിരുന്നു. ടോസ് നഷ്ടപ്പെട്ട് ബാറ്റിങ്ങിന് ഇറങ്ങിയ ഇന്ത്യ നിശ്ചിത 20 ഓവറില്‍ എട്ടു വിക്കറ്റ് നഷ്ടത്തില്‍ 165 റണ്‍സെടുത്തു.അര്‍ധസെഞ്ചുറി കുറിച്ച പാണ്ഡെയാണ് ഇന്ത്യയുടെ ടോപ് സ്‌കോറര്‍. 36 പന്തില്‍ മൂന്നു ഫോറുകള്‍ സഹിതം പാണ്ഡെ 50 റണ്‍സെടുത്തു.
താരതമ്യേന കുറഞ്ഞ വിജയലക്ഷ്യം പിന്തുടര്‍ന്ന കീവിസ് മികച്ച രീതിയിലാണ് തുടങ്ങിയത്. 64 റണ്‍സെടുത്ത മുന്റോയും, 57 റണ്‍സെടുത്ത സെയ്‌ഫെര്‍ട്ടും ചേര്‍ന്ന് ആതിഥേയരെ വിജയത്തിലെത്തിക്കുമെന്ന് തോന്നിച്ചെങ്കിലും, ഇരുവരും റണ്‍ ഔട്ട് ആയതോടെ ഇന്ത്യ മത്സരത്തിലേക്ക് തിരിച്ചെട്ടുകയായിരുന്നു. 24 റണ്‍സെടുത്ത ടെയ്‌ലര്‍ (24) മാത്രമാണ് പിന്നീട് രണ്ടക്കം കടന്നത്.
ലോകേഷ് രാഹുല്‍ (26 പന്തില്‍ 39), ഷാര്‍ദുല്‍ ഠാക്കൂര്‍ (15 പന്തില്‍ 20) എന്നിവരും തിളങ്ങി. 88 റണ്‍സെടുക്കുന്നതിനിടെ ആറു വിക്കറ്റ് നഷ്ടമാക്കിയ ഇന്ത്യയ്ക്ക് ഏഴാം വിക്കറ്റില്‍ മനീഷ് പാണ്ഡെ ഷാര്‍ദുല്‍ ഠാക്കൂര്‍ സഖ്യം പടുത്തുയര്‍ത്തിയ 43 റണ്‍സ് കൂട്ടുകെട്ടാണ് തുണയായത്.
പരമ്പരയിലാദ്യമായി അവസരം ലഭിച്ച മലയാളി താരം സഞ്ജു സാംസണ്‍ നിരാശപ്പെടുത്തി. ഒരിക്കല്‍ക്കൂടി സിക്‌സറടിച്ച് പ്രതീക്ഷയോടെ തുടങ്ങിയ സഞ്ജു തൊട്ടുപിന്നാലെ പുറത്തായി. അഞ്ചു പന്തില്‍ ഒരു സിക്‌സ് സഹിതം എട്ടു റണ്‍സാണ് സഞ്ജു നേടിയത്. രോഹിത് ശര്‍മയ്ക്ക് വിശ്രമം അനുവദിച്ചാണ് ഇന്ത്യ സഞ്ജുവിനെ പരീക്ഷിച്ചത്. ലോകേഷ് രാഹുലിനൊപ്പം ഓപ്പണറായി സഞ്ജു എത്തി.
ക്യാപ്റ്റന്‍ വിരാട് കോലി (ഒന്‍പതു പന്തില്‍ 11), ശ്രേയസ് അയ്യര്‍ (ഏഴു പന്തില്‍ ഒന്ന്), ശിവം ദുബെ (ഒന്‍പതു പന്തില്‍ 12), വാഷിങ്ടന്‍ സുന്ദര്‍ (0), യുസ്‌വേന്ദ്ര ചെഹല്‍ (ഒന്ന്) എന്നിങ്ങനെയാണ് മറ്റുള്ളവരുടെ സ്‌കോര്‍.
മറുപടി ബാറ്റിംഗിനിറങ്ങിയ ന്യൂസിലന്റ് ആറ് ഓവറില്‍ ഒറരു വിക്കറ്റ് നഷ്ടപ്പെടുത്തി 43 റണ്‍സ് എടുത്തിട്ടുണ്ട്.
Discussion about this post