സി.എ.എ പ്രക്ഷോഭകരുടെ സമരം കാരണം മാസങ്ങളായുള്ള ഗതാഗത തടസ്സം മൂലം ക്ഷമകെട്ട് ഷഹീൻബാഗ് നിവാസികൾ പ്രതിഷേധം തുടങ്ങി.പൗരത്വ ഭേദഗതി നിയമത്തിനെതിരെ സമരം ചെയ്യുന്ന പ്രക്ഷോഭകരാണ് നടുറോഡിൽ വൻ ഗതാഗതക്കുരുക്ക് സൃഷ്ടിക്കുന്നത്. ഞായറാഴ്ച കാലത്താണ് ഷഹിൻ ബാഗിൽ താമസിക്കുന്നവരുടെ വൻജനാവലി, പ്രക്ഷോഭകർക്കെതിരെ പ്രതിഷേധം ആരംഭിച്ചത്. ഗതാഗതം തടസ്സപ്പെടുത്തുന്നവരെ വെടിവെച്ചു കൊല്ലാൻ ഉള്ള മുദ്രാവാക്യങ്ങൾ തുടർച്ചയായി പ്രക്ഷോഭത്തിൽ മുഴങ്ങിയെന്ന് ദേശീയ മാധ്യമങ്ങൾ റിപ്പോർട്ട് ചെയ്തിട്ടുണ്ട്. ശനിയാഴ്ച പ്രക്ഷോഭകർക്കെതിരെ വെടിയുതിർത്തതയാൾ ഗതാഗതക്കുരുക്ക് കാരണം സഹികെട്ടാണ് അങ്ങനെ ചെയ്തതെന്ന് പോലീസിന് മൊഴി നൽകിയിരുന്നു.
കഴിഞ്ഞ ഡിസംബർ 15ന് ആരംഭിച്ച പ്രക്ഷോഭം അനിശ്ചിതമായി തുടരവേ മണിക്കൂറുകൾ നീളുന്ന ഗതാഗത തടസ്സം മൂലം ദുരിതമനുഭവിക്കുന്നത് തദ്ദേശവാസികളാണ്. പ്രക്ഷോഭകർ ഒരു ആംബുലൻസിന് വഴി കൊടുക്കാഞ്ഞ സംഭവം ഈയിടെ വിവാദമായിരുന്നു.5 മിനിറ്റ് യാത്ര കൊണ്ടെത്തുന്ന സ്ഥലങ്ങളിൽ മണിക്കൂറുകളെടുത്താണ് ഇപ്പോഴെത്താൻ കഴിയുക.ഗതാഗത തടസ്സം മൂലം അത്യാവശ്യക്കാർ പോലും ഒരുപാട് ദുരിതമനുഭവിക്കുന്നുണ്ട്.
Discussion about this post