അനധികൃതമായി ഇന്ത്യയിൽ തങ്ങുന്ന നുഴഞ്ഞുകയറ്റക്കാരെ ഇന്ത്യ വിട്ടുപോകാൻ ഭീഷണിപ്പെടുത്തി കൊണ്ട് മഹാരാഷ്ട്ര നവനിർമാൺ സേനയുടെ പോസ്റ്റർ. മഹാരാഷ്ട്ര നവനിർമാൺ സേനയുടെ തലവൻ രാജ് താക്കറെയുടെയും പുത്രൻ അമിത് താക്കറെയുടെയും ചിത്രങ്ങൾ പതിച്ച കൂറ്റൻ പോസ്റ്ററുകളാണ് ബോംബെയിലെ പൻവേലിൽ ഉയർന്നിരിക്കുന്നത്. “നിങ്ങളായിട്ട് ഇന്ത്യ വിട്ടു പോകുക, അല്ലെങ്കിൽ മഹാരാഷ്ട്ര നവനിർമാൺ സേനയുടെ ശൈലിയിൽ നിങ്ങൾ പുറത്തെറിയപ്പെടും” എന്നാണ് പോസ്റ്ററിൽ ആലേഖനം ചെയ്തിരിക്കുന്നത്.
പൗരത്വ ഭേദഗതി നിയമത്തെ പിന്തുണച്ചു കൊണ്ടുള്ള രാജ് താക്കറെയുടെ നിലപാട് ഏറെ ശ്രദ്ധ പിടിച്ചു പറ്റിയിരുന്നു. ഫെബ്രുവരി ഒമ്പതാം തീയതി, പൗരത്വഭേദഗതി നിയമത്തെ പിന്തുണച്ചുകൊണ്ട് മുംബൈയിൽ കൂറ്റൻ റാലി നടത്തുമെന്ന് മഹാരാഷ്ട്ര നവനിർമാൺ സേന പ്രഖ്യാപിച്ചിട്ടുണ്ട്.
