കേരളത്തിൽ ലൗ ജിഹാദ് നടക്കുന്നുണ്ടെന്ന് ബിജെപി നേതാവ് പി കെ കൃഷ്ണദാസ്. എൽഡിഎഫ് യുഡിഎഫ് ഗവൺമെന്റുകൾ ഇതു തടയാൻ യാതൊരു വിധത്തിലുള്ള നടപടികളും എടുത്തിട്ടില്ലെന്നും കൃഷ്ണദാസ് വ്യക്തമാക്കി.ഇത് സംബന്ധിച്ച റിപ്പോർട്ടുകൾ വേണ്ടരീതിയിൽ കേന്ദ്ര സർക്കാരിനു മുന്നിൽ എത്തിയിട്ടില്ലെന്നും അദ്ദേഹം കുറ്റപ്പെടുത്തി.
കേരളത്തിൽ ലൗ ജിഹാദ് ഉണ്ടെന്ന് ബോധ്യപ്പെട്ടിട്ടില്ലെന്ന് കേന്ദ്രസർക്കാർ ഇന്നലെ പ്രഖ്യാപിച്ചിരുന്നു. കേന്ദ്രസർക്കാർ റിപ്പോർട്ട് ആവശ്യപ്പെട്ടാലും സംസ്ഥാന സർക്കാർ കുറ്റമറ്റ റിപ്പോർട്ട് നൽകാത്തതാണ് ഇതിന്റെ പ്രധാന കാരണമെന്നും, കേരളത്തിൽ ലൗ ജിഹാദ് നടക്കുന്നുണ്ടെന്ന സീറോ മലബാർ സഭയുടെ ആരോപണം സത്യമാണെന്നും കൃഷ്ണദാസ് പറഞ്ഞു. ഇതിനിടെ ലവ് ജിഹാദ് ഉണ്ടെന്ന നിലപാട് ആവർത്തിച്ച് കത്തോലിക്ക ഫെഡറേഷനും രംഗത്തെത്തിയിരുന്നു. ഇല്ലെന്ന് വരുത്തിതീർക്കാൻ സംഘടിതമായ ശ്രമമാണ് സംസ്ഥാനത്ത് നടക്കുന്നതെന്നും അവർ കുറ്റപ്പെടുത്തി.
Discussion about this post