ജാർഖണ്ഡിൽ, കോവിഡ്-19 ബാധിച്ച രോഗികളുടെ വാർഡിൽ ഡ്യൂട്ടിക്കിട്ട ഡോക്ടർ ദമ്പതിമാർ ജോലി രാജിവച്ചു. തിരിച്ചു വന്ന് ഡ്യൂട്ടിക്ക് കയറിയില്ലെങ്കിൽ കേസെടുക്കുമെന്ന് സർക്കാർ മുന്നറിയിപ്പ് നൽകി. ജാർഖണ്ഡിലെ വെസ്റ്റ് സിംഗ്ഭം ജില്ലയിലെ ഡോക്ടർമാരായ അലോക് ടിർക്കിയും, ഭാര്യ സൗമ്യയും തങ്ങൾക്ക് ഡ്യൂട്ടി കോവിഡ് വാർഡിൽ ആണെന്നറിഞ്ഞപ്പോൾ രാജി സമർപ്പിക്കുകയായിരുന്നു. ഇ-മെയിലിലൂടെയാണ് ഇവർ താങ്കളുടെ രാജിക്കത്ത് നൽകിയത്.
എന്നാൽ, രാജി പിൻവലിച്ച് ഇരുവരും തിരിച്ചെത്തിയില്ലെങ്കിൽ കർശന നടപടി സ്വീകരിക്കുമെന്ന് ആശുപത്രി അധികൃതർ വ്യക്തമാക്കി.സംഭവത്തിൽ ഇടപെട്ട ആരോഗ്യ സെക്രട്ടറി ഡോക്ടർ നിതിൻ മദൻ കുൽക്കർണി, രാജി പിൻവലിച്ച് ഇവരോട് ഡ്യൂട്ടിക്ക് ഹാജരാകാൻ ആവശ്യപ്പെട്ടിട്ടുണ്ട്. അല്ലാത്ത പക്ഷം, എപിഡെമിക്സ് ആക്ട് പ്രകാരം കേസ് രജിസ്റ്റർ ചെയ്യുമെന്നും അദ്ദേഹം വ്യക്തമാക്കി. ജോലിക്ക് ഹാജരായില്ലെങ്കിൽ ഇരു ഡോക്ടർമാരുടെയും രജിസ്ട്രേഷൻ റദ്ദാക്കുമെന്ന് മെഡിക്കൽ കൗൺസിൽ ഓഫ് ഇന്ത്യ മുന്നറിയിപ്പ് നൽകിയിട്ടുണ്ട്
Discussion about this post